ئێران: دەستبەرداری پیتاندنی یۆرانیۆم نابین

ئاڤا نیوز

هێشتا وادەی گەڕێکی دیکەی دانوستانەکانی نێوان واشنتن و تاران دیاری نەکراوە و ئێران دەڵێت، تا ئێستا هیچ پێشنیازێکی نووسراوییان لە ئەمریکاوە پێنەگەیشتووە، چ بە شێوەیەکی ڕاستەوخۆ یان ناڕاستەوخۆ.

وێنە گەورەکە: بۆ هەڵگرتنی سزاکانی سەر تاران، حکومەتی ئێران بەجیا گفتوگۆکانی بەردەوامە لەگەڵ ئەمریکا و وڵاتانی ئەوروپا، جەخت لەوەش دەکەنەوە ویستییان بۆ پیتاندنی یۆرانیۆم دابینکردنی وزەیە نەک دروستکردنی چەکی ئەتۆم.

لێدوانی فەرمی: عەباس عێراقچی، وەزیری دەرەوەی ئێران لە ئەکاونتی خۆی لە تۆڕی ئێکس ڕایگەیاند، ئەمریکا ڕێز لە مافەکانمان بگرێت و سزاکانی سەر وڵاتەکەمان هەڵبگرێت، ڕێککەوتنیان لەگەڵ دەکەین.

ئێران دەستبەرداری پیتاندنی یۆرانیۆم بۆ مەبەستی ئاشتیانە نابێت و ئەمەش بە هەموو ئەو وڵاتانە وتراوە کە لەو بارەیەوە دانوستان لەگەڵ ئێمە دەکەن.

نەتەوەی گەورەی ئێران دەسەڵات و خۆڕاگری خۆی نیشانی ئەو کەسانە داوە کە دەیانەوێت خۆیان بسەپێنن، هەمیشە پێشوازی لە گفتوگۆ دەکەین کە لەسەر بنەمای ڕێزگرتنی یەکتر بێت.