تورکیا دوو ملیار مەتر سێجا غاز هەناردەی سووریا دەکات

ئاڤا نیوز

 

ئالپ ئارسلان بایراکتار، وەزیری وزەی تورکیا ڕایگەیاند، دوو ملیار مەتر سێجا غاز هەناردەی سووریا دەکەن، هەروەها هەناردەی کارەباش بۆ سووریا زیاتر دەکەن. 

 چیرۆکی سەرەکی: وەزیری وزە و سامانە سرووشتییەکانی تورکیا سەردانی سووریای کرد و لەو سەردانەیدا ڕێککەوتنێکی نوێیان لە بوارەکانی وزە، کانزاکان و هایدرۆکاربۆنەکاندا لەگەڵ دەسەڵاتدارانی سووریا واژۆکردووە، هاوکات نەخشەڕێگەیەکی نوێ بۆ بوونیادنانەوەی ژێرخانی وزەی ئەو وڵاتە دانراوە.

ڕاگەیێنراوی فەرمی: ئالپ ئارسلان بایراکتار، لە کۆنگرەیەکی ڕۆژنامەوانیدا لەگەڵ هاوتا سوورییەکەی محەممەد بەشیر لە دیمەشق ڕایگەیاند، تورکیا لەگەڵ حکومەتی سووریا هەماهەنگ دەبین بۆ دووبارە بوونیادنانەوەی ژێرخانی ناوچەکە. 

 

- وەزیری وزەی تورکیا خواستی وڵاتەکەی بۆ زیادکردنی هەناردەی کارەبا بۆ سووریا بۆ سێ هێندە دەربڕی.

- هەوڵەکان چڕکراونەتەوە بۆ دابینکردنی غازی پێویست بۆ کارپێکردنی وێستگەکانی کارەبای سووریا.

ئەوەی پێویستە بیزانیت: بەم نزیکانە تورکیا دەست بە هەناردەکردنی نزیکەی دوو ملیار مەتر سێجا غاز بۆ سووریا دەکات کە ساڵانە دەگاتە پارێزگاکانی حەلەب و حومس، بەبێ ئەوەی بەروارەکەی دیاری بکات. ئەم هەنگاوە یارمەتیدەر دەبێت بۆ زیادکردنی 1200-1300 مێگاوات بۆ کارەبای بەرهەمهێنراو لە سووریا.