باڵیۆزخانەی ئەمریکا لە بەغدا جارێکی دیکە هۆشداری دەداتەوە

ئاڤا نیوز

باڵیۆزخانەی ئەمریکا لە بەغدا، پێشبینیی زیادبوونی ئەگەری ڕوودانی کردەوەی تووندوتیژی یان هێرشکردنە سەر بەرژەوەندییەکانی ئەمریکا لە عێراقدا دەکات و هۆشداری بە هاووڵاتییانی ئەمریکی دەدات.

وێنە گەورەکە: ماوەی سێ ڕۆژە هێرشی دژ بەیەکی نێوان ئیسرائیل و ئێران بەردەوامە، بەهۆی ئەو هێرش و پێکدادانەشەوە بەشی زۆری گەشتە ئاسمانییەکان لە وڵاتانی ناوچەکە وەستاون، هاوکات گەشتەکانی هاتنیش بۆ وڵاتانی ناوچەکە وەستاون.

ڕاگەیێنراوی فەرمی: باڵیۆزخانەی ئەمریکا لە بەغدا ڕایگەیاند: ئەگەری ڕوودانی کردەوەی تووندوتیژی یان هێرش دژی کۆمپانیاکانمان یان هاووڵاتیانمان زیادیکردووە.

- هانی هەموو ئەمریکییەک لە عێراقدا دەدەین کە خۆیان لەو شوێنانە بەدووربگرن کە بیانییەکان ڕووی تێدەکەن و دووربکەونەوە لە هەر کۆبوونەوەیەک یان قەرەباڵغییەکی گەورە.

ئەوەی پێویستە بیزانیت: پێشتریش باڵیۆزخانەی ئەمریکا لە بەغدا هاووڵاتیانی ئەمریکی لە عێراق ئاگادارکردبووەوە، بەهۆی تیرۆر، ڕفاندن، ململانێی چەکداری، ئاژاوەی مەدەنی و توانای سنوورداری حکومەتی ئەمریکا بۆ پێشکەشکردنی خزمەتگوزاریی فریاکەوتن بە هاووڵاتیانی لە عێراق، بە هیچ هۆکارێک گەشت بۆ عێراق نەکەن.