ئاڤا بەدواداچوون بۆ هاووڵاتیانی ڕووسیا لە ئێران دەکات

ئاڤا نیوز

دوای زیادبوونی گرژییەکانی نێوان ئیسرائیل و ئێران، ڕووسیا دەستیکردووە بە ئامادەکاری بۆ گواستنەوەی هاووڵاتیانی لە ئەو وڵاتە.

وێنە گەورەکە: ڕووسیا دەیەوێت هاووڵاتیانی لە پریشکی جەنگی نێوان ئیسرائیل و ئێران پارێزراو بێت و دەستییان بە ڕێکخستنی کاروباری گەڕانەوە بۆ هاوڵاتیانیان کردووە.

لێدوانی فەرمی: ئاڤا میدیا لەڕێگەی واتسئەپەوە لە باڵیۆزخانەی ڕووسیای لە تارانی پایتەختی ئێران پرسی، ئایا هیچ ڕێنماییەکتان بۆ هاووڵاتیانی ڕووسیا سەبارەت بە بەجێهێشتنی ئێران هەیە؟

لە وەڵامی پرسیارەکەی ئاڤا باڵیۆزخانەی ڕووسیا لە تاران ڕایگەیاند، ئەگەر هاووڵاتی ڕووسیایت، تکایە بەپەلە ناوی تەواوی خۆت و وردەکاری پاسپۆرتەکەت (پاسپۆرتە بیانییەکەت) و ژمارەی تەلەفۆنت (ڕووسی و ئێرانی) و ماوەی ڤیزاکەت لە ئێران بنێرە.

زانیاریی زیاتر: باڵیۆزخانەی ڕووسیا لە تاران ڕایگەیاند، بەهۆی دۆخی ئێستاوە بەشێوەیەکی کاتی کارەکانی ڕاگرتووە.