
دیمەنێک لە کۆبوونەوەی سەرۆک بارزانی و ڕومەنسکی، باڵیۆزی ئەمریکا لە عێراق كرد
ئاڤا نیوز
سەرۆک بارزانی ڕایدەگەیێنێت، پارتی هەڵبژاردنی بایکۆت نەكردووە، بەڵكو لەگەڵ هەڵبژاردنێكی پاك و بێگەرد و شەفاف و جێگەی دڵنیایی و دوور لە دەستوەردانی دەرەكییە. لەبارەی پەیوەندییەکانی هەولێر و بەغداش جەخت دەکاتەوە، لە ڕاوێژ و هەماهەنگیی بەردەوامدا دەبن بۆ چارەسەركردنی كێشەكان و نەهێشتنی نیگەرانییەكان.
وێنە گەورەکە: ئەمڕۆ چوارشەممە لە سەڵاحەدین، سەرۆك مەسعود بارزانی و ئەلینا ڕومەنسکی، باڵیۆزی ئەمەریكا لە عێراق، پرسی هەڵبژاردنی پەرلەمانی کوردستان، بارودۆخی سیاسیی هەرێمی کوردستان و عێراق و دوایین پێشهاتەکانیان تاوتوێ کرد.
ڕاگەیێنراوی فەرمی: سەرۆك بارزانی ئاماژەی بە هۆكارەكانی دەرچوونی ڕاگەیێنراوی پارتی لەبارەی هەڵبژاردن و بڕیارەکانی دادگای فیدراڵی کردووە و ڕوونی کردووەتەوە: پارتی هەمیشە لەگەڵ ئەنجامدانی هەڵبژاردن بووە و ترسی لە هەڵبژاردن نییە، بەڵكو تێبینی لەبارەی شێوازی هەڵبژاردن و مەترسیی تێكدانی بنەماكانی پێكەوەژیان و نەهێشتنی بەشداریی پێكهاتەكان لە ژیانی سیاسیدا هەیە.
هۆکارە زانراوەکان: سەرۆك بارزانی بەبێ ئاماژەدان بە ناوی هیچ لایەنێک و دامەزراوەیەک بەبیری هێناوەتەوە؛ "بە بیانووی جۆراوجۆر دوو ساڵ هەڵبژاردنیان دواخستووە، دەستی نامۆ و دەرەكی خراونەتە نێو ئەو بابەتە و لە بەها و پێگەی هەرێمیان كەم كردووەتەوە. هەروەها بەشێوەیەکی نادەستووری و نایاسایی بڕیار و یاساکانی هەرێمی کوردستانیان گۆڕیوە و ستەمێکی گەورەیان لە پێكهاتەكان و تێكڕای خەڵكی كوردستان كردووە".
بابەتی ستراتیژی: پەیوەست بە هەڵبژاردن سەرۆك بارزانی گوتوویەتی: پارتی بایكۆتی هەڵبژاردنی نەكردووە، بەڵكو لەگەڵ هەڵبژاردنێكی پاك و بێگەرد و شەفاف و جێگەی دڵنیایی و دوور لە دەستوەردانی دەرەكی و بەرنامەی پێشوەختەیە، كە تێیدا دەنگدەران لە مافی دەنگدان بێبەش نەكرێن و پڕۆسەی دیموكراسی بێبەها نەكرێت و یاساکانی هەرێم پێشێل نەکرێن.
لەلایەکی دیکەوە: لەبارەی پەیوەندییەكانی نێوان هەولێر و بەغدا سەرۆک بارزانی ڕایگەیاندووە: ڕێككەوتنێكی ڕوون و هەمەلایەنە لەگەڵ چوارچێوەی هەماهەنگی لەژێر ناوی ئیئتیلافی دەوڵەت هەیە، كە بەداخەوە هیچ یەك لە خاڵە گرنگەكانی جێبەجێ نەكراون. ڕێككەوتنەكە لەپێناو ئەوە بوو سەقامگیری بێتەدی و خەڵك بگاتە خۆشگوزەرانی و بنەماكانی شەراكەت و تەوازون و تەوافوق پیادە ببن، بەڵام هیچ یەك لەمانە نەكران.
خاڵی ئەرێنی: سەرۆك بارزانی بۆ باڵیۆزی ئەمریکا جەختی كردووەتەوە لە ڕاوێژ و هەماهەنگیی بەردەوامدا دەبن بۆ چارەسەركردنی كێشەكان و نەهێشتنی نیگەرانییەكان.
بۆچوونی بەرامبەر: باڵیۆزی ئەمەریكا نیگەرانیی خۆی و وڵاتەكەی لە دوایین پێشهاتە سیاسییەكان دەربڕیوە، داوایشی كردووە پارتی ڕۆڵی خۆی ببینێت و لەگەڵ لایەنەكانی دیکە پێكەوە كێشە و نیگەرانی و تێبینیەكانی پەیوەست بە هەڵبژاردن چارەسەر بكەن.

ئاڤا دیجیتاڵ
Editor
دوایین هەواڵەکان
- عێراق
- 23 خولەک لەمەوپێش
ئامێرى پشکنینی تیشکدانەوەى ئەتۆمى لە پارێزگاکانى عێراق جێگیر دەکرێت
- عێراق
- 1 کاتژمێر لەمەوپێش
سەدر: ئەمریکا هەر بڕیارێک دژی باوەڕداران دەربکات بە زیانی خۆی دەشکێتەوە
- هەواڵ
- 1 کاتژمێر لەمەوپێش
نەتەنیاهۆ: ئێران 28 هەزار مووشەکی هەیە
- عێراق
- 1 کاتژمێر لەمەوپێش
حیزبوڵڵای عێراق هەڕەشەی داخستنی گەرووی هورمز دەكات
هەڵبژاردەکان بۆ تۆ
ئێران بە ناوی مووشەکەکانی پەیام بۆ دۆست و دووژمنانی دەنێریت
23 کاتژمێر لەمەوپێش
ئیسرائیل دەست بۆ هێڵی سووری ئێران دەبات
18 حوزەیران
عێراق ژوورێکی ئۆپەراسیۆن بۆ بەرەنگاربوونەوەی هەڕەشەکانی تیشکی ئەتۆمی کارا دەکات
18 حوزەیران
هۆشداری بە گەشتیاران دەدرێت؛ بەهیچ جۆرێک نەچنە ژێر تونێلە بەفرینەکان
18 حوزەیران
پرۆژەیەکی دۆستی ژینگە لە هەولێر دەست بەکار دەکات
18 حوزەیران
- هەواڵ
- 8 کاتژمێر لەمەوپێش
درۆنێکی نەناسراو لە نزیک چەمچەماڵ دەکەوێتە خوارەوە
- کوردستان
- 9 کاتژمێر لەمەوپێش
%75ی سایلۆ تازەكەی هەڵەبجە تەواو بووە
- هەواڵ
- 23 کاتژمێر لەمەوپێش
درۆنێک لە نزیک کۆیە دەکەوێتە خوارەوە