%75ی سایلۆ تازەكەی هەڵەبجە تەواو بووە

ئاڤا نیوز

 

پرۆسەی وەرگرتنی گەنم لە سنووری پارێزگای هەڵەبجە دەستی پێكردووە و بەپێی گوتەی بەرپرسی بنكەی وەرگرتنی گەنمی شارەكەش: سایلۆ تازەكە كە بە بڕیاری سەرۆكوەزیران مەسرور بارزانی دروست دەكرێت 75%ی كارەكانی تەواو بووە.

لێدوانی فەرمی: ئاسۆ مەجید، بەرپرسی بنکەی وەرگرتنی گەنمی هەڵەبجە، بە ئاڤا میدیای ڕایگەیاند: پرۆسەی وەرگرتنی گەنم لە سنووری هەڵەبجە دەستی پێکردووە و بۆ ئەمساڵ بڕی وەرگرتن بۆ نزیکەی 14 هەزار تۆن زیاد کراوە.

زانیاریی زیاتر: ئەمساڵ تایبەتمەندییەک بە پارێزگای هەڵەبجە دراوە و ڕێژەی وەرگرتنی گەنم لە 10 هەزار تۆنەوە بۆ 14 هەزار تۆن بەرز کراوەتەوە، ئەمەش بۆ ئەوە دەگەڕێتەوە كە ڕێژەی بارانبارین لە سنووری هەڵەبجە بەراورد بە پارێزگاكانی دیكە زیاتر بووە.

 

لەلایەكی دیكەوە: بەرپرسی بنکەی وەرگرتنی گەنمی هەڵەبجە ئاماژەی بە ئەوەش دا كە ئێستا %75ی كارەكانی سایلۆ تازەكەی هەڵەبجە تەواو بووە، بەڵام پرۆسەی وەرگرتنی گەنم لە دەرەوەی سایلۆكە بەردەوامە.

 

باكگراوند: سایلۆی هەڵەبجە، لە 30ی حوزەیرانی ساڵی ڕابردوو لەلایەن سەرۆکوەزیران مەسروربارزانیەوە دانرا، توانای هەڵگرتنی 40 هەزار تۆن گەنمی هەیە.