
سەرۆکوەزیرانی ئیسرائیل لە شوێنی بۆردوومانکراوی ئێرانە و لە نزیکەوە سەیری ڕووداوەکە دەکات
ئاڤا نیوز
جەنگی نێوان ئیسرائیل و ئێران بەرەبەرە گەورەتر و فراوانتر و خوێناوی تر دەبێت، بەرەبەیانی ئەمڕۆ بڵێسەی ئاگر زیاتر پەرەی سەندەوە و ئێران بە جۆرە مووشەكی جیاواز لە ڕۆژانی ڕابردوو دەستی بە بۆردوومانکردنی ئیسرائیل كرد.
چیرۆکی سەرەکی: بەرەبەیانی ئەمڕۆ پێنجشەممە، ئێران بە جۆرە مووشەكی جیاواز لە ڕۆژانی ڕابردوو دەستی بە بۆردوومانکردنی ئیسرائیل كرد و بۆردوومانەکەش گەورە و وێرانکەر بوو، بەجۆرێک هێرشی کردە سەر نەخۆشخانەیەکی تایبەت بە سەربازانی برینداری شەری غەززە و سوپای پاسدارانیش لەبارەی هێرشەکە وتیان، ئامانجی سەرەکیی هێرشەکە، بارەگای گەورەی فەرماندەیی و ناوەندی هەواڵگریی سوپای ئیسرائیل بووە کە دەکەوێتە تەنیشت نەخۆشخانەکە.
کاریگەری و لێکەوتەکان: هێرشکردنە سەر نەخۆشخانەیەك بوو لە ئیسرائیل، بەمەش پێدەچێت كاردانەوەكانی ئیسرائیل لە ئەمڕۆ بەدواوە تووندتر و بۆردوومانەكانی بۆ خاكی ئێران وێرانكەرتر بن، چونکە ئیسرائیل هەر زوو هەڕەشەی تۆڵەسەندنەوە و هێرشی كوشندەی كرد.
لێدوانی فەرمی: یسرائیل كاتز، وەزیری بەرگریی ئیسرائیل ڕایگەیاند، من و سەرۆکوەزیرانی ئیسرائیل فەرمانمان كرد بە چڕكردنەوەی هێرشەکان بۆ سەر ئامانجە ستراتیژی و ئامانجە حکومییەکان لە تاران، بۆ نەهێشتنی هەڕەشەکانیان و لەناوبردنی ڕژێمەكەیان، ئێران بەمەبەست نەخۆشخانە و باڵەخانەكانی نیشتەجێبوون لە ئیسرائیل دەکاتە ئامانج.
ئەوەی لەبارەیەوە دەگوترێت: ئێستا بڵێسەی ئاگری جەنگەكە زیاتر بووە و ئێران دەڵێت: مووشەكی زۆر جیاوازترم لەوەی ئەمڕۆ ماوە دژی ئیسرائیل بەكاریبهێنم، ئیسرائیلیش دەڵێت: باجی بۆردومانەكەی ئەمڕۆ دەدەن.
زانیاریی زیاتر: چەند فەرماندەیەکی سوپای پاسداران بە میدیاکانی وڵاتەکەیان گوتووە: ئامانجی سەرەکیی هێرشەکەی ئەمڕۆمان بارەگای سەرەکی فەرماندەیی و ناوەندی هەواڵگریی سوپای ئیسرائیل بووە کە دەکەوێتە تەنیشت نەخۆشخانەکە.
٠ ناوەندەكە شوێنی مانەوەی هەزاران کارمەندی سەربازی و سیستەمی فەرماندەیی دیجیتاڵی و ئۆپەراسیۆنە ئەلیکترۆنییەکانی سوپای ئیسرائیلە.
٠ میدیاکانی ئیسرائیلیش دەڵێن: بەهۆی هێرشەکانی ئەمڕۆ نزیکەی دوو هەزار خێزان بێ ماڵ و حاڵ بوون و شووقە و خانووەکانیان داڕماون.
٠ سوپای پاسداران لێدوانی لەبارەی هێرشەکان داوە و دەڵێت: بە وردییەکی بێوێنە دەزگای هەواڵگریی سوپای ئیسرائیلیان بۆردوومان کردووە.
ڕاگەیێنراوی فەرمی: وەزارەتی تەندروستیی ئیسرائیل ڕایگەیاند: بەهۆی هێرشەکەوە 271 کەس بریندار بوون، ئاماژە بە کوژرانی هیچ کەسێکیش نەکراوە.
٠ کەناڵ 12ی ئیسرائیلی ڕایگەیاندووە کە بەهۆی هێرشەکان باڵەخانەیەک لە باشووری ئیسرائیل داڕماوە، بەهۆیەوە سێ کەس گیانیان لەدەست داوە و نزیکەی 50 کەسیش بریندار بوون.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- هەواڵ
- 8 کاتژمێر لەمەوپێش
شەوێکی سەخت؛ ئێران 16 کەسی بەتۆمەتی سیخووڕیکردن بۆ مۆساد دەستگیرکرد
- عێراق
- 8 کاتژمێر لەمەوپێش
عێراق زیاتر لە 22 ملیار دۆلاری بۆ سیستمی بەرگری خەرج کردووە
هەڵبژاردەکان بۆ تۆ
ئێران بە ناوی مووشەکەکانی پەیام بۆ دۆست و دووژمنانی دەنێریت
12 کاتژمێر لەمەوپێش
ئیسرائیل دەست بۆ هێڵی سووری ئێران دەبات
18 حوزەیران
عێراق ژوورێکی ئۆپەراسیۆن بۆ بەرەنگاربوونەوەی هەڕەشەکانی تیشکی ئەتۆمی کارا دەکات
18 حوزەیران
هۆشداری بە گەشتیاران دەدرێت؛ بەهیچ جۆرێک نەچنە ژێر تونێلە بەفرینەکان
18 حوزەیران
پرۆژەیەکی دۆستی ژینگە لە هەولێر دەست بەکار دەکات
18 حوزەیران
- هەواڵ
- 37 خولەک لەمەوپێش
ئیسرائیل: ئەو مووشەکەی بێرشیبای کردە ئامانج 300 کیلۆ تەقەمەنی هەڵگرتبوو
- هەواڵ
- 8 کاتژمێر لەمەوپێش
شەوێکی سەخت؛ ئێران 16 کەسی بەتۆمەتی سیخووڕیکردن بۆ مۆساد دەستگیرکرد
- عێراق
- 8 کاتژمێر لەمەوپێش
عێراق زیاتر لە 22 ملیار دۆلاری بۆ سیستمی بەرگری خەرج کردووە
- هەواڵ
- 10 کاتژمێر لەمەوپێش
موحسین ڕەزایی: ماددە پیتێنراوەکانی یۆرانیۆمان گواستووەتەوە شوێنێکی سەلامەت