ئاسمانی عێراق چۆڵە لە تێپەڕبوونی فڕۆکە بۆ گەشتیی نێودەوڵەتی

ئاڤا نیوز

وێڕای ڕاگەیاندنی ئاگربەست لەنێوان ئیسرائیل و ئێران، ئاسمانی عێراق چۆڵە لە تێپەڕبوونی فڕۆکە بۆ گەشتە نێودەوڵەتییەکان و زیانەکانیش گەیشتوونەتە 350 هەزار دۆلار لە ڕۆژێکدا.

وێنە گەورەکە: بەهۆی جەنگی نێوان ئیسرائیل و ئێرانەوە، ئاسمانی عێراق بەتەواوی بەڕووی فرۆکەی مەدەدنی داخرا و سەرجەم گەشتە ئاسمانییەکان لە فڕۆکەخانەکانی عێراق ڕاگیران، بەڵام دوای ڕاگەیاندنی ئاگربەست لەنێوان هەردوو وڵات، وەزارەتی گواستنەوەی عێراق لە ڕاگەیێنراوێکدا گەشتە نێودەوڵەتییەکانی لە فڕۆکەخانەی نێودەوڵەتیی بەغدا و بەسڕە دەستیپێکردەوە.

زانیاری بەدەستهاتوو: بەپێی دوایین داتای ماڵپەڕەکانی بەدواداچوونی فڕۆکەوانی، ئاسمانی عێراق و ئێران و سووریا تاڕادەیەک چۆڵە  لە تێپەڕبوونی گەشتە نێودەوڵەتییەکاندا.

زانیاریی زیاتر: لە جەنگی نێوان ئیسرائیل و ئێران، زیانەکانی عێراق بەهۆی داخستنی ئاسمانەکەی بەڕووی گەشتە نێودەوڵەتییەکاندا بە 350 هەزار دۆلار لە ڕۆژێکدا دەخەمڵێنرێت.