ئێران وڵاتانی ئەمریکا و ئیسرائیل بە شکاندنی یاسا نێودەوڵەتییەکان تۆمەتبار دەکات

ئاڤا نیوز 

 

سەرۆککۆماری ئێران هێرشەکانی ئیسرائیل و ئەمریکا، بە هەنگاوێک بۆ لاوازکردنی پەیماننامەی نەهێشتنی بڵاوبوونەوەی چەکی ئەتۆم ناودەبات.

 

وێنە گەورەکە: ئێران هاوکارییەکانی لەگەڵ ئاژانسی نێودەوڵەتیی وزەی ئەتۆم ڕاگرتووە و ئیسرائیل و ئەمریکاش بە هۆکاری هەنگاوەکەی دەزانێت. ئەم بڕیارەش دوای ئەوە دێت کە ئەمریکا بە حەوت فڕۆکە بۆردوومانی وێستگە ئەتۆمییەکانی ئەو وڵاتەی کرد.

 

لێدوانی فەرمی: مەسعود پزیشکیان، سەرۆککۆماری ئێران لە پەیامێکی ڤیدیۆیدا ڕایگەیاند، ئیسرائیل هێرشێکی تووندی نایاسایی بۆ سەر ئێران ئەنجامداوە، ئەم دەستدرێژییەش لە کاتی دانوستانە ناڕاستەوخۆکانی نێوان ئەمریکا و ئێران لەسەر بەرنامەی ئاشتیانەی ناوەکی ئێران بووە.

 

٠ ئاماژەی بەوەشکرد، هێرشکردنە سەر پێگە ئەتۆمییە ئاشتییەکانی ئێران لەلایەن ئەمریکا و ئیسرائیل پێشێلکردنی یاسا نێودەوڵەتییەکان و پەیماننامەی نەهێشتنی بڵاوبوونەوەی چەکی ئەتۆمە.