وەزارەتی تەندروستی بۆ ڕۆژانی جەژن ڕێنمایی بڵاودەکاتەوە

ئاڤا نیوز

لە پێناو بەرژەوەندی گشتی و بەمەبەستی پێشکەشکردنی خزمەتگوزاری تەندروستی لە ڕۆژانی جەژنی ڕەمەزان، وەزارەتی تەندروستی حكومەتی هەرێمی كوردستان  چەند ڕێنماییەک بڵاودەکاتەوە.

ڕاگەیێنراوی فەرمی: وەزارەتی تەندروستی نوسراوێکی ئاڕاستەی بەڕێوەبەرایەتی گشتی تەندروستی هەولێر، سلێمانی، دهۆک، هەڵەبجە، گەرمیان، سۆران، ڕاپەرین، زاخۆ و کۆیە دەکات و داوا دەکات ڕەچاوی کۆمەڵێک خاڵ بکەن.

زانیاریی زیاتر: ڕێنماییەکان ئەمانەن:

 1.⁠ ⁠ سەنتەرەکانی پێدانی چارەسەری کیمیایی بۆ نەخۆشانی شێرپەنجە  و  شوشتنی گورچیلە پێویستە بە شێوەی ئێشکگری کراوەبێت.

 2.⁠ ⁠⁠لە کاتی پێویستدا پێداویستی پزیشکی و تاقیگەیی کراوە دەبن لەسەرجەم شار و شارۆچکەکان.

 3. ئاماری ڕۆژانە دەبێت لە ماوەی 24 کاتژمێر بۆ بەڕێوەبەرایەتیە گشتییەکان رەوانە بکرێت.

4. تیمی تەندروستی لە شوێنە گەشتیاریەکان دابنرێت بۆ پێشکەشکردنی خزمەتگوزاری تەندروستی بۆ باری لەناکاو.

5.⁠ ⁠ ⁠ نەخۆشخانەکانی فریاکەوتن و نۆرینگە دەرەکییەکان کراوەبن.

 6.⁠ بۆ هەرکارێکی لەناکاو پێویستە هێلی گەرمی پەیوەندی هەبێت.

7. تیمەکانی فریاگوزاری و هێڵی 122 بەردەوام لە ئەرکدا دەبن.