عەبدولئەمیر شەممەری: چەکە قورس و مامناوەندەکان لە خەڵک دەکڕینەوە

ئاڤا نیوز

 

عەبدولئەمیر شەممەری، وەزیری ناوخۆی عێراق لە پانێلێکی دیداری سلێمانیدا گوتی: "گواستنەوەی دەسەڵاتی ئەمنی بۆ پۆلیس كاتێكی زۆری دەوێت و بۆ ڕێکخستنەوەی بارودۆخی ناوخۆش، پێویستمان بە هێزی زیاترە".

 

لێدوانی فەرمی: عەبدولئەمیر شەممەری، وەزیری ناوخۆی عێراق لە میانی پانێلێکدا لە دیداری سلێمانی ڕایگەیاند: هێزەکانی عێراق توانای کۆنترۆڵکردنی دۆخی ئەمنییان هەیە و عێراق سوودی لە مەشق و ڕاهێنانی هێزەکانی هاوپەیمانان وەرگرتووە".

 

زانیاریی زیاتر: گواستنەوەی دەسەڵاتی ئەمنی بۆ پۆلیس كاتێكی زۆری دەوێت و بۆ ڕێکخستنەوەی بارودۆخی ناوخۆش، پێویستمان بە هێزی زیاترە.

 

ئەوەی پێستا ڕوودەدات: وەزارەتی ناوخۆ پارەیەكی زۆری بۆ کۆکردنەوەی چەک تەرخانکردووە و سەرقاڵی كۆكردنەوەیەتی، چەكە بێمۆڵەتەكان و چەکە قورس و مامناوەندەکان لە خەڵک دەکڕێتەوە و لیژنە دروستکراوە بۆ ڕاماڵینی چەک لە دەستی عەشیرەتەکان، عەبدولئەمیر شەممەری پێیوایە کێشە کۆمەڵایەتییەکان هۆکارێكن بۆ هەڵگرتنی چەک لەلایەن هاووڵاتیانەوە.