چێنەر عەبدولقادر: بردنەوەی کلاسیکۆ بۆ بەرشەلۆنە زۆر گرنگە

ئاڤا نیوز 

 

ئەمشەو لە یاریگەی سانتیاگۆ بێرنابیۆ، یاریی کلاسیکۆ لەنێوان ڕیال مەدرید و بەرشەلۆنە لە خولی پاڵەوانەتییەکانی لالیگا بەڕێوەدەچێت.

 

وێنە گەورەکە: یەکێک لە یارییە پڕ جۆشوخرۆشەکانی جیهانی تۆپی پێ، یاری کلاسیکۆیی نێوان ڕیال مەدرید و بەرشەلۆنەیە، کە کاتژمێر 10:00ـی ئەمشەو بە کاتی هەولێر بەڕێوەدەچێت.

 

لێدوانی فەرمی: چێنەر عەبدولقادر، بەڕێوەبەری ئاڤا سپۆرت بۆ ئاڤا نیوز گوتی: بردنەوەی یارییەکە بۆ بەرشەلۆنە گرنگییەکی زۆری دەبێت، چونکە لە ڕیزبەندی لالیگا هەشت خاڵ دوای ڕیال مەدریدە و لە پلەی دووەمدایە، ئەم بردنەوەیە سێ خاڵ دەیهێنێتە پێشەوە و جیاوازییەکە دەبێتە پێنج خاڵ؛ ئەمە جگە لەوەی بردنەوەی کلاسیکۆ وەک دەستکەوتێکە بۆ یانەکە و دوای ساڵانێک باس دەکرێتەوە.

 

ئەوەی پێشبینی دەکرێت: دوای دەرکرانی بەرشەلۆنە لە چامپیۆنزلینگ لەلایەن پاریس سان جێرمانەوە، هاندەرانی بەرشە چاوەڕوانیی یانەکەیان دەکەن بە گڕوتینێکی باشتر و بەهێزتر بەشداری بکەن و یارییەکە ببەنەوە.