تۆمارکردنی مووچەخۆران لە پڕۆژه‌ی "هەژماری من" گەیشتە 200 هەزار

ئاڤا دیجیتاڵ

 

حكومەتی هەرێمی كوردستان ڕایگەیاند "تۆماركردنی مووچەخۆران لە پڕۆژەی هەژماری من گەیشتووەتە 200 هەزار كەس.

 

چیرۆكی سەرەكی: فه‌رمانگه‌ی میدیا و زانیاری حكومه‌تی هه‌رێمی كوردستان له‌ راگه‌یێنراوێكدا ئاماژه‌ به‌وه‌ ده‌كات، پرۆسەی تۆمارکردنی مووچەخۆران لە پرۆژه‌ی "هەژماری من"دا گەیشتە 200 هەزار مووچەخۆر، هاوکات 23 هەزار مووچەخۆر کارتی بانکییان وەرگرتووەتەوە و 36 ئامێری پارەڕاکێشانیش دامەزرێندراون.

بۆچی گرنگە: پرۆژەی "هەژماری من"  پرۆژەیەکی بانکیی نوێخوازانەیە، سیستەمی دابینکردنی خزمەتگوزارییە بانکییەکانە لە ڕێگەی پشبەستن بە هەژمارە بانکییەکان، چاوەڕوانیش دەکرێت لە ماوەی ئایندەدا، پرۆسەکە هەنگاوی گەورەتر بچێتە پێشەوە و وەرچەرخان لە بزاوتی ئابووریی کوردستاندا بێنێتە کایەوە.

ئەوەی پێویستە بیزانیت: پێشتر سه‌رۆكوه‌زیران بارزانی، رایگەیاندبوو "ئامانجمان ئەوەیە تا کۆتاییی 2024 ملیۆنێک هاووڵاتیی کوردستان، دەستیان بە خزمەتگوزاریی بانکی بگات".
سەرۆكوەزیران بارزانی گوتیشی "بەڵێنەکانمان بەجێ دەگەیێنین".