خامنەیی: حەماس شكستی بەو سوپایە هێنا كە خۆی بە بەهێزترینی جیهان دەزانی

 

جارێكی دیكە ڕێبەری باڵای شۆڕشی ئیسلامی ئێران پشتیوانی خۆی بۆ حەماس و حیزبوڵڵا دەربڕی و دەڵێت "ئەوان پاڵەوانن".

 

وێنە گەورەكە: لە ماوەی سێ ڕۆژدا حەوتەم جارە ئایەتوڵڵا عەلی خامنەیی لە تۆڕی کۆمەڵایەتیی ئێکس پشتیوانی خۆی بۆ حەماس و حیزبوڵا دەرببڕێت و بەشێوەیەكی گشتی پشتیوانیان بكات دژی سوپای ئیسرائیل.

 

لێدوانی فەرمی: عەلی خامنەیی، ڕێبەری باڵای شۆڕشی ئیسلامیی ئێران ڕایگەیاند: سوپایەک کە سەردەمانێک بانگەشەی ئەوەی دەکرد کە یەکێکە لە بەهێزترین سوپای جیهان، لەکاتێکدا هەوڵی پاراستنی خۆی لە باشوور و باکوور دەدات، لەلایەن گرووپەکانی حەماس و حیزبوڵڵاوە شکستی هێنا.

 

ئەوەی پێویستە بیزانیت: لە یادی كۆچی دوایی ڕێبەری باڵای شۆڕشی ئیسلامیی ئێران خومەینیدا، لە مەزاری ئیمام لە تاران خامنەیی گوتی: تۆفانی ئەقسا وانەیەكی گەورەی بە ئیسرائیل دا و پاشەكشەی بە گەورەترین پڕۆژەی سەهیۆنی لە ناوچەكەدا كرد.