تەنیا لە 24 کاتژمێری ڕابردوودا 77 کەسی دیکە لە غەززە کوژراون

ئاڤا نیوز

 

لەگەڵ بەردەوامیی هێرشەکانی ئیسرائیل بۆ سەر غەززە ژمارەی قوربانیان بەرزتر بووەتەوە و کۆی گشتیی کوژراوەکان لە 37 هەزار کەس نزیک بووەتەوە.

 

ڕاگەیێنراوی فەرمی: وەزارەتی تەندروستیی غەززە لە ڕاگەیێنراوێکدا ئاماژەی بە ئامارەکان داوە و ڕایگەیاندووە لە شەو و ڕۆژی ڕابردوودا 77 کەس کوژراون. بەم پێیە ژمارەی کوژراوەکان لە حەوتی ئۆکتۆبەرەوە بۆ 36 هەزار و 731 کەس بەرز بووەتەوە و ژمارەی بریندارەکانیش گەیشتووەتە 83 هەزار و 530 کەس.

 

ئەوەی پێویستە بیزانیت: هەشت مانگە شەڕی ئیسرائیل و حەماس بەردەوامە و تاوەکو ئێستا هەوڵەکانی ئاگربەست بە ئەنجام نەگەیشتوون.