دوای زیاتر لە 50 ساڵ ئەمریكا دەگەڕێتەوە سەر مانگ

ئاڤا نیوز

كۆمپانیایەكی ئەمریكا دەیەوێت دوای زیاتر لە 50 ساڵ، بە كەشتی تایبەتی دیزاینكراو بگەڕێتەوە بۆ سەر مانگ.

 

بۆچی گرنگە: نیشتنەوەی لەسەر مانگ كارێكی ئاسانییە، تەنیا ئەمریكا، ڕووسیا، هیندستان، چین و ژاپۆن توانیویانە ئەم گەشتە ئەنجام بدەن، بۆیە ئەگەر ئەم گەشتە سەركەوتوو بێت، ئەوا دوای زیاتر لە 50 ساڵ ئەمریكا دووبارە دەگەڕێتەوە سەر مانگ.

ئەوەی پێویستە بیزانیت: كەشتیی ئاسمانی "نۆڤا - سی" لەلایەن كۆمپانیای "ئینتوتیڤ مەشین" كە بنكەكەی لە ئەمریكایە دیزاین كراوە و بڕیارە لە ویلایەتی فلۆریدا گەشتەكە ئەنجام بدرێت.

ئەوەی ئێستا ڕوودەدات: بەگوێرەی پلانەكان ئەگەر هەموو شتێك بە ڕێكوپێكی بڕوات، چوارشەممەی داهاتوو كەشتییەكەی نۆڤا - سی گەشتەكەی بكات، ئەوا لە 22ی ئەم مانگە لەسەر مانگ دەنیشێتەوە، ئەمەش یەكەمجارە ئەمریكا لە دوای كۆتا ئەركی ئەپۆلۆ لە ساڵی 1972دا، نیشتنەوەی لەسەر ڕووی مانگ ئەنجام بدات.