دەستەی دەستپاكیی عێراق لە دەنگۆی گەندەڵیی یۆنامی دەكۆڵێتەوە

ئاڤا دیجیتاڵ

دەستەی دەستپاکیی عێراق رایگەیاند، لێکۆڵینەوە لە دەنگۆی گەندەڵیی نێردەی تایبەتی نەتەوەیەکگرتووەکان لە عێراق " یۆنامی " دەکەن، کە رۆژنامەی گاردیانی بەریتانی بڵاویکردبووەوە. 

ئەوەی پێویستە بیزانیت: دەستەی دەستپاکیی عێراق پەیوەندی کردووە بە نووسەری راپۆرتەکەی رۆژنامەی گاردیانی بەریتانییەوە، بۆ ئەوەی روونکردنەوەو بەڵگەی پێبدات بۆ ئەو تۆمەتانەی ئاڕاستەی کارمەندانی نەتەوەیەکگرتووەکانی کردووە لە عێراق بیانسەلمێنێت.

لە لایەکی دیکەوە: جگە لە دەستەی دەستپاکیی عێراق، تیمێکی نەتەوەیەکگرتووەکانیش کە لە نیویۆرک پێکهاتووە لێکۆڵینەوە دەکات لەو راپۆرتەی رۆژنامەکە بڵاویکردووەتەوە، هەرکاتێک گەیشتن بە ئەنجامێک وردەکارییەکان بۆ رای گشتی ئاشکرا دەکەن.