فالح فەیاز: بەرەی مقاوەمە بۆ بەدیهێنانی ئامانجەکانی بەردەوام دەبێت

ئاڤا نیوز

سەرۆکی دەستەی حەشدی شەعبی بۆ کوژرانی ئەمینداری گشتی حزبوڵڵای لوبنان پەیامێکی سەرەخۆشی بڵاودەکاتەوە و دەڵێت، بەرەی مقاوەمە تا بەدیهێنانی ئامانجەکانی لە خەبات بەردەوام دەبێت.

 

وێنە گەورەکە: ڕۆژی شەممە 28-9-2024، سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆسەر باڵەخانەیەک لە بەیرووت ڕاگەیاند و دوای چەند کاتژمێرێک حیزبوڵڵا کوژرانی سەرکردەکەیانی پشتڕاست کردەوە.

 

ڕاگەیێنراوی فەرمی: فالح فەیاز، سەرۆکی دەستەی حەشدی شەعبی لە پەیامێکدا ئەوەی خستوەتەڕوو، حەسەن نەسڕوڵڵا هیچ کات سازشی لە بیروباوەڕەکانی نەکردووە و لەسەر ئەو دۆزەشی کە باوەڕی پێ بووە، گفتوگۆ و دانوستانی نەکرد.

 

زانیاریی زیاتر: "بۆ ئەو ڕووداوە سەرەخۆشی لە جیهانی ئیسلامی دەکەین، دڵنیایین کە بەرەی مقاوەمە بە کارکردنی بەردەوام بۆ بیروباوەڕەکانیان ڕێبازی شەهیدان تەواو دەکەن، کە بریتییە لە  سەرکەوتن و ئەنجامدانی نوێژ لە قودس."