دەنگۆی ڕفاندنی چوار منداڵ لە هەولێر ڕەت دەکرێتەوە

ئاڤا نیوز 

 

باوکێک لە گرتەیەکی ڤیدیۆییدا دەڵێت منداڵەکانم ڕفێندراون، ئاڤا بەدواداچوون بۆ چارەنووسی ئەو منداڵانە دەکات، هاوکات پۆلیسی هەولێریش ئەو هەواڵە ڕەت دەکاتەوە.

 

وێنە گەورەکە: باوکێک کە لەگەڵ منداڵەکانی ناژیێت و لای ئەو نین، لە گرتەیەکی ڤیدیۆییدا دەڵێت منداڵەکانم ڕفێندراون، بەڵام منداڵەکانی و پۆلیسی هەولێریش ئەو دەنگۆ و هەواڵانە ڕەت دەکەنەوە.

 

لە پەیامنێرەوە: لەوبارەیەوە منداڵەکان بە ئاڤا نیوزیان ڕاگەیاند: ئێمە نەڕفێندراوین، بەڵکۆ بۆ لێکۆڵینەوە لەسەر کێشەیەک سەردانی بنکەی پۆلیسمان کردووە، لەکاتی لێکۆڵینەوەکان کاتێکی زۆرمان پێ چووە و باوکمان وا بیری کردووەتەوە کە ڕفێندرابین، هاوکات دەشڵین ئێمە باوکمان ئاگادار کردووەتەوە کە نەڕفێندراوین.

 

لەلایەکی دیکەوە: پۆلیسی هەولێر بە ئاڤا نیوزی گوت: ئەوان بە وردی چاودێریی ئەو چوار منداڵە دەکەن کە بە تەنیا دەژین و لای دایک و باوکیان نین، هاوکات لە هەر حاڵەتێکی نەخوازراودا ئاگاداری ئەو منداڵانە دەبن.