لە یەک ساڵدا زیاتر لە 1200 تووشبووی شێرپەنجە لە کەرکووک تۆمارکراون

ئاڤا نیوز 

 

بەپێی ئامارەکانی بەڕێوەبەرایەتی تەندروستیی کەرکووک لە ساڵی 2024 زیاتر لە 1200 تووشبوو لە ناوەندی پسپۆڕی بۆ نەخۆشییەکانی شێرپەنجە تۆمارکراون و نزیکەی 40 هەزار منداڵیش لە دایک بوون.

 

لێدوانی فەرمی: ئەرجان محەممەد ڕەشید، بەڕێوەبەری تەندروستیی کەرکووک ڕایگەیاند: لە ماوەی ساڵی 2024، 39 هەزار و 284 منداڵ لە دایکبوون، هاوکات لە نەخۆشخانە و بنکە تەندروستی و پسپۆرییەکان پێشوازیی لە دوو ملیۆن و 91 هەزار و 613 سەردانیکار کراوە و 65 هەزار و 489 نەشتەرگەریش کراون.

 

ئەمەش بزانە: لە سەنتەری پسپۆڕیی بۆ شێرپەنجە و خوێن، هەزار و 278 کەسی تووشبوو بە شێرپەنجە و هەزار و 628 کەسی تووشبوو بە نەخۆشییەکانی خوێن تۆمارکراون، لەکاتێکدا لە ماوەی ساڵی 2023دا هەزار و 16 کەس تووشی شێرپەنجە و هەزار و پێنج کەسیش تووشی نەخۆشی خوێن ببوون.