وەزیری دەرەوەی سووریا: لاپەڕەیەکی نوێ لەگەڵ سعودییە هەڵدەدەینەوە

ئاڤا نیوز

 

حکومەتی کاتی سووریا یەکەم سەردانی شاندی دیبلۆماسی خۆی دەستپێکرد، شاندێکی باڵای وڵاتەکە گەیشتنە ڕیازی پایتەختی وڵاتی سعودییە. 

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام دەسەڵاتی وڵاتەکەیان گرتەدەست دەسەڵاتێکی نوێی لە سووریا دامەزراند، وڵاتەکەش هەوڵەکانی خستووەتە گەڕ بۆ نوێیکردنەوەی پەیوەندییەکانی لەگەڵ وڵاتانی ناوچەکە و دەرەوە.  

 

زانیاریی بەدەستهاتوو: شاندێکی باڵای حکومەتی نوێی سووریا بە سەرۆکایەتی ئەسعەد ئەلشەیبانی، وەزیری دەرەوە لەگەڵ هەر یەکە لە مورهف ئەبو قەسرە، وەزیری بەرگریی، ئەنەس خەتاب، سەرۆکی دەزگای هەواڵگریی گشتی،  گەیشتنە ڕیازی پایتەختی سعودییە.  

 

لێدوانی فەرمی: ئەسعەد ئەلشەیبانی، وەزیری دەرەوەی حکومەتی کاتی سووریا ڕایگەیاند، لەگەڵ سعودییە لاپەڕەیەکی نوێ لە پەیوەندییەکانمان هەڵدەدەینەوە.

 

لەلایەکی دیکەوە: ئەحمەد شەرع، فەرماندەی گشتیی بەڕێوەبردنی سووریا پێشتر ڕایگەیاند بوو، سعودییە ڕۆڵێکی گرنگی لە داهاتووی سووریادا هەیە. 

 

ئەمەش بزانە: ئەم سەردانەی شاندی سووریا لەسەر بانگهێشتنامەی شازادە فەیسەڵ بن فەرحان  وەزیری دەرەوەی سعودییە بوو.