ئەعەرەجی: هەڵوەشاندنەوەی حەشدی شەعبی خەونی شەیتانە بە بەهەشتەوە

ئاڤا نیوز

قاسم ئەعرەجی، ڕاوێژکاری ئاسایشی نیشتمانی عێراق دووپاتیکردەوە، هێزە چەکدارەکان لەعێراق بەهۆی هەڵەکانی ئەمریکاوە دروستبوون و هەڵوەشاندنەوەی حەشدی شەعبیش وەک خەونی شەیتانە بە بەهەشتەوە.

لێدوانی فەرمی: لەمیانی چاوپێکەوتنێکی تەلەفزیۆنیدا، ئەعەرەجی ڕایگەیاند:

- ئەمریکا لە ساڵی 2003 لەژێر ناونیشانی ڕزگاری و گۆڕانکاریدا هاتە نێو عێراقەوە، بەڵام دوای ئەوە بەرنامەکەی گۆڕی بۆ داگیرکاری، ئەمەش بووە هۆی سەرهەڵدانی بەرەی مقاوەمە لە عێراق.

- حەشدی شەعبی دامەزراوەیەکی نیشتمانییە، لە ساڵی 2016 شەرعیەتی یاسایی لەپەرلەمانی عێراقەوە وەرگرتووە، هەر کەس و لایەنێکیش باس لە هەڵوەشاندنەوەی ئەو هێزە بکات ئەوا هیچ بەهایەک بۆ لێدوانەکانیان نییە و وەک ئەوە وایە  باسی "خەونی شەیتان بە بەهەشتەوە" بکەن.

- حکومەتی عێراق بەوردی کاردەکات بۆ سنووردارکردنی چەک و کۆکردنەوەی لە دەستی  دامەزراوە ئەمنییەکانی دەوڵەتدا و ڕێگە بە بوونی چەک لە دەرەوەی دەسەڵات نادات.