بەهۆی کحولی ساختەوە لە ئەنقەرە زیاتر لە 50 کەس گیان لەدەستدەدەن

 

ئاڤا نیوز

لە ئەنقەرەی پایتەختی تورکیا بەهۆی خواردنەوەی کحولی ساختە، 59 کەس گیان لەدەست دەدەن و 28 گومانلێکراو لەسەر ئەم بابەتە و بە تۆمەتی قاچاخچێتی ماددە کحولییە ساختەکان دەستگیر کراون.

چیرۆکی سەرەکی: بە هۆی خواردنەوەی کحولی ساختەوە، دەیان کەس لە ئەنقەرەی پایتەختی تورکیا ژەهراویبوون و بە هۆیەوە 59 کەس گیانیان لە دەستدا و ژمارەیەکێش لەژێر چاودێری چڕدان.

ڕاگەیێنراوی فەرمی: پۆلیسی تورکیا ڕایگەیاند بەهۆی گەڕان بەداوی تۆمەتبارانی ئەم کەیسە 28 گومانلێکراو دەستگیر کراون و ئەگەری بەرزبوونەوەی ژمارەی دەستگیرکراوەکانیش هەیە.

بۆچوونی لایەنی بەرامبەر: ڕەخنەگرانی حکومەتی تورکیا پێیان وایە ڕێژەی بەرزی باج لەسەر خواردنەوە کحولییەکان، یەکێکە له هۆکاره سەرەکییەکانی ئەوەی هاووڵاتییان ڕوو لە کڕینی خواردنەوەی کحولی ساختە بکەن.

باکگراوند: ساڵانە دەیان کەس لە تورکیا بەهۆی بەکارهێنانی خواردنەوەی کحولی ساختە و ناستانداردەکانەوە، گیانلەدەست دەدەن یەکێک لە بەرزترین ئامارەکان لەم بابەتەدا دەگەڕێتەوە بۆ نزیکەی سێ ساڵ پێش ئێستا لە ساڵی 2021 کە 88 کەس لە سەرتاسەری تورکیا گیانیان لەدەستداوە.