لە عێراق پێنج پەنابەری سووری بەتۆمەتی بانگەشەکردن بۆ ئەحمەد شەرع دەستگیر کران

ئاڤا نیوز

 

بەهۆی پشتیوانیکردنیان لە ئۆپەراسیۆنەکانی دەسەڵاتدارانی ئەمنی سووریا دژی پاشماوەکانی ڕژێمی بەشار ئەسەد، هێزە ئەمنییەکانی عێراق پێنج پەنابەری سووری و بلۆگەری عێراقییان دەستگیرکرد.

 

چیرۆکی سەرەکی: پێش چەند ڕۆژێک لەمەوبەر لە کەناراوەکانی سووریا ململانێی تایفی و ڕووبەڕووبوونەوەی چەکداری لەنێوان لایەنگرانی ئەحمەد شەرع و بەشار ئەسەد هەڵگيرسا، بەگوێرەی ڕوانگەی سووری بۆ مافەکانی مرۆڤ، لەماوەی ئەو ئاڵۆزییەی نزیکەی کە 72 کاتژمێری خایاند، کۆی گشتیی کوژراون لە ڕیزەکانی پاشماوەکانی ڕژێمی پێشوو، هێزەکانی سووریا و خەڵکی سڤیل گەیشتە هەزار و 311 کەس.

 

لێدوانی فەرمی: بەرپرسێکی ئەمنی عێراق ڕاگەیاند، دەزگای ئاسایشی نیشتمانی، پێنج پەنابەری سووری و چەند عێراقییەکی دەستگیرکرد وێنەی ئەحمەد شەرع، سەرۆکی سووریا بۆ قۆناغی ڕاگوزەر و هەڵوێستی پشتگیری خۆیان لە ئۆپەراسیۆنەکانی ئیدارەی سووریا لە کەناراوەکان بڵاوکردبووەوە.

 

زانیاریی زیاتر: ئەو بەرپرسە عێراقیە جەختیشی لەوە کردەوە کە بەشێکیان بە تۆمەتی پشتیووانیکردن لە تیرۆر ڕەوانەی دەزگای دادوەری کراون.