پارێزگاری نەینەوا دوای سێ ڕۆژی دیکە دەستگیر دەکرێت

ئاڤا نیوز

 

بەمەبەستی لێپرسینەوە و ئامادەبوون، ئەنجوومەنی باڵای دادوەری عێراق بانگهێشتی پارێزگای نەینەوا دەکات و تەنیا مۆڵەتی سێ رۆژی بۆ ئامادەبوون پێدەدات. 

 

ڕاگەیێنراوی فەرمی: ئەنجوومەنی باڵای دادوەری عێراق، بانگێشتنامەیەکی فەرمی بڵاوکردەوە کە لەبەرواری 7-4-2025 دەرچووە، بەپێی بانگهێشتەکە عەبدولقادر دەخیل، پارێزگاری نەینەوا پێویستە لەماوەی سێ ڕۆژدا لەبەردەم دادگا ئامادەبێت بەپێچەوانەوە فەرمانی دەستگیرکردنی بۆ دەردەچێت.

 

زانیاریی زیاتر: هەر بەپێی بانگهێشتنامەکە، دەخیل تۆمەتبارە بەوەی بڕیاری داگای فیدراڵی عێراقی سەبارەت بە پەسندکردنی بەرپرسی یەکە کارگێڕییەکانی پاریزگاکەی جێبەجێ نەکردووە.

 

ئەمەش بزانە: دادگای فیدراڵی عێراق، ڕۆژی 18-3-2025 داوایەکی پارێزگاری نەینەوای سەبارەت بە ناشەرعی گۆڕینی سەرۆکی یەکە ئیدارییەکانی پارێزگاکە ڕەتکردەوە.

 

باکگراوند: ڕۆژی 02-07-2024، بەرەی نەینەوای موستەقبەل بەبێ ئامادەبوونی ئەندامانی بەرەی نەینەوا لیئەهلیها، گۆڕانکاری لە 21 پۆستی ئیداری پارێزگاکە کرد، ئەمەش ناڕەزایەتی بەرەی ئامادە نەبووی لێکەوتەوە و لە دادگەی ئیداری بەغدا سکاڵایان تۆمارکرد و بۆ ماوەی پێنج مانگ بایکۆتی کۆبوونەوەکانیان کرد.