حەوت کەس بەهۆی هێرشەکانی ئەمریکا بۆ سەر یەمەن کوژران

ئاڤا نیوز

 

هێرشەکانی ئەمریکا بۆ سەر گرووپە چەکدارەکانی حووسییەکان لە ناوچە جیاوازەکانی یەمەن بەردەوامە و بەهۆیەوە حەوت کەس کوژران.

 

وێنە گەورەکە: ڕۆژی دووشەممە 14-4-2025،  ئەمریکا زیاتر لە 15 هێرشی  ئاسمانی کردە  سەر شاری سەنعا ناوچەکانی دیکەی یەمەن بەهۆیەوە حەوت کەس کوژران و حووسییەکانیش خستنە خوارەوەی  فڕۆکەیەکی بێفڕۆکەوانی ئەمریکان ڕاگەیاند.

 

ڕاگەیێنراویی فەرمی: گرووپی حووسییەکان ڕایانگەیاند: هێرشە ئاسمانییەکانی ئەمریکا ناوچەکانی دەوروبەری سەنعایان کردووەتە ئامانج و بەهۆیەوە حەوت کەس کوژراون و 29 کەسی دیکەش برینداربوون.

 

باکگراوند: ڕۆژی 2025-03-15، ئەمریکا بە فەرمانی دۆناڵد ترەمپ، سەرۆکی ئەمریکا ئۆپەراسیۆنێکی دژی حووسییەکانی یەمەن دەستپێکردووە و بەهۆیەوە  125 هاووڵاتیی سڤیل کوژران و  و 247 کەسی دیکەش برینداربوون و هاوکات بەهۆی هێرشەکانەوە چەندین سەرکردەی حووسییەکان کوژران.