زێلێنسکی: ڕووسیا هەوڵی بەدەستهێنانی کات دەدات تا درێژە بە جەنگ بدات

ئاڤا نیوز

 

سەرۆکی ئۆکراینا، ڕووسیا بە هەوڵی بەدەستهێنانی کات تۆمەتبار دەکات و دەڵێت، بەم کردارانە مۆسکۆ دەیەوێت درێژە بە لەشكرکێشیەکەی بدات.

 

بڵاوکراوەی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند، ''ئاشکرایە ڕووسیا ''هەوڵی کڕینی کات'' دەدات بۆ ئەوەی بەردەوام بێت لە شەڕ و داگیرکارییەکانی''. هاوکات زێلێنسکی ئامادەیی وڵاتەکەی بۆ هەر جۆرە دانوستاندنێک دەردەبڕێت.

لەلایەکی دیکە: دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا ڕۆژی دووشەممە پەیوەندییەکی تەلەفۆنیان ئەنجامدا، ترەمپ، پەیوەندییە تەلەفۆنییەکەی بە باش وەسف کرد و و گوتی، ڕووسیا و ئۆکراینا دەستبەجێ دانوستاندنەکان بەرەو ئاگربەست و لەوەش گرنگتر کۆتاییهاتن جەنگ دەست پێدەکەن. لای خۆیەوە پووتین ئامادەیی وڵاتەکەی دەربڕی کە لەگەڵ کیێڤ کار لەسەر یاداشتێک بکات سەبارەت بە پەیماننامەی ئاشتی داهاتوو.