نرخی زێڕ بەردەوامە لە دابەزین

ئاڤا نیوز

 

نرخی زێڕ لە بازاڕەکاندا بەردەوامە لە دابەزین و ئەندامێکی سەندیکای زەڕەنگەرانی هەولێریش دەڵێت، "یەكێک لە هۆکارەکان دابەزینی بەهای دۆلارە".

 

لێدوانی فەرمی: سەفین وەرتی، ئەندامی سەندیکای زەڕەنگەرانی هەولێر بە ئاڤا میدیای ڕاگەیاند: ئەمڕۆ چوارشەممە، پێنج هەزار دینار بۆ هەر مسقاڵێک و 20 دۆلار بۆ هەر ئۆنسەیەک لە نرخی زێڕ دابەزیووە، هۆکارەکەش دابەزینی بەهای دۆلارە.

 

زانیاریی زیاتر: ئێستا 100 دۆلاری ئەمریکی بە 140 هەزار و 500 دینار لە بازاڕەکانی هەرێمی کوردستان مامەڵەی پێوە دەکرێت.

 

ئەوەی پێویستە بیزانیت: لە ڕۆژی دووشەممەی پێشوو، تاوەکو ئەمڕۆ هەر مسقاڵێک زێڕ هەشت هەزار و 20 دۆلار لە هەر ئۆنسەیەک نرخی زێڕ دابەزیووە.

 

نرخی زێڕ لە بازاڕەکانی هەرێمی کوردستان بەم جۆرەیە.

-یەک ئۆنسە زێڕ سێ هەزار و 339 دۆلارە.
-مسقاڵێک زێڕ عەیار 22 بە 688 هەزار دینار.
- مسقاڵێک زێڕ عەیار 21 بە 657 هەزار دینار.
- مسقاڵێک زێڕ عەیار 18 بە 563 هەزار دینار.