ئێران: ئەوروپا هیچ بنەمایەکی ئەخلاقی و یاسایی بۆ سەپاندنەوەی سزاکان نییە

ئاڤا نیوز

ئێران کاردانەوەی بەرامبەر بە هەڕەشەکانی فەرەنسا، بەریتانیا و ئەڵمانیا بۆ سەپاندنەوەی سزا نێودەوڵەتییەکان بۆ سەر ئەو وڵاتە نیشان دا.

لێدوانی فەرمی: عەباس عێراقچی، وەزیری دەرەوەی ئێران، ڕایگەیاند ئەگەر ئەو سێ وڵاتە ئەوروپییە و یەکێتیی ئەوروپا دەیانەوێت ڕۆڵیان هەبێت، ئەوا پێویستە ژیرانە ڕەفتار بکەن و واز لە سیاسەتی سوواوی هەڕەشە و گوشار بهێنن. عێراقچێ ئەوەشی گوتووە کە هەڕەشەی سەپاندنەوەی سزاکان هیچ بنەمایەکی ئەخلاقی و یاسایی نییە و دەبێت وەلا بنرێت. 

 

زانیاریی زیاتر: سێ وڵاتە ئەوروپییەکە ڕایانگەیاندبوو دەیانەوێت دانوستانە ئەتۆمییەکان دەستپێبکرێنەوە و ئەگەر تا کۆتایی هاوینی ئەمساڵ هیچ بەرەوپێشەوەچوونێکی دیار بەدی نەیەت، سزاکانی نەتەوە یەکگرتووەکان بۆ سەر ئێران چالاک دەکەنەوە.