وەزیری دەرەوەی ئەڵمانیا: تەنیا دروستبوونی دوو دەوڵەت چارەسەری كێشەی فەڵەستین دەكات

ئاڤا نیوز

 

لە کۆبوونەوەی وەزیری دەرەوەی ئەڵمانیا لەگەڵ بەرپرسانی فەڵەستین، باسی پرسی ئەو وڵاتە و پەیوەندییەکانی لەگەڵ ئیسرائیل کراوە؛ ئەڵمانیا پێیوایە تاكە چارەسەر بۆ كێشەكانیان دروستبوونی دوو دەوڵەتە.

 

لێدوانی فەرمی: ئانالێنا بێربوک، وەزیری دەرەوەی ئەڵمانیا گوتی: "دروستكردنی دوو دەوڵەت بۆ ئیسڕائیل و فەڵەستین دەتوانێت كێشەكان چارەسەر بكات، هەوڵەكانمان بەردەوامن بۆ چارەسەركردنی كێشەكان و دەبێت بە ئاشتی كێشەكان چارەسەر بکرێن".

 

لەلایەکی دیکەوە: ئەڵمانیا پێیوایە ئاگربەست لە غەززە، تەنیا لە خزمەتی خەڵكی کەرتەکە نییە، بەڵکو بۆ ئیسڕائیلیش گرنگە.

 

زانیاریی زیاتر: لە دوایین ئەنجوومەنی ئاسایشی نەتەوە یەکگرتووەکان بەکۆی دەنگ بڕیاری ئاگربەستی غەززە پەسەند کرا؛ ئیسرائیل بە بڕیارەکە نیگەران بوو، حەماسیش ئامادەیی خۆی بۆ ئاگربەستەکە ڕاگەیاند.