نرخی یەک ئۆنسە زێڕ 85 دۆلار بەرز دەبێتەوە

ئاڤا نیوز

تەنیا لە ماوەی شەش ڕۆژدا نرخی ئۆنسەیەک زێڕ لە بازاڕەکاندا 85 دۆلار بەرزبووەتەوە. هەر مسقاڵێکیش  15 هەزار دینار نرخی زیاد بووە.

لێدوانی فەرمی: سەفین وەرتی، ئەندامی سەندیکای زێڕنگەرانی هەولێر بە ئاڤا میدیای ڕاگەیاند، لەسەرەتای ئەم مانگەوە تاوەکو ئێستا نرخی یەک ئۆنسە زێڕ 85 دۆلار بەرزبووەتەوە، هەر مسقاڵێک زێڕیش 15 هەزار دینار نرخی زیاد بووە.

هۆکارە سەرەکییەکان: بەپێی وتەکانی ئەندامەکەی سەندیکای زێڕنگەرانی هەولێر، هۆکاری زیادبوونی نرخی زێڕ لەم هەفتەیەدا، بۆ قسەکانی دۆناڵد ترەمپ، سەرۆکی ئەمریکا دەگەڕێتەوە کە جەختی لەسەر لابردنی سەرۆکی بانکی ناوەندیی ئەمریکا کردەوە.

زانیاریی زیاتر: نرخی زێڕ لە بازاڕەکانی کوردستان کە لەسەر بەهای دۆلار بە 139 هەزار و 900 دینار دانراوە، بەم جۆرەیە:

- یەک مسقاڵ زێڕی عەیارە 22 بە 696 هەزار دینارە.

- یەک مسقاڵ زێڕی عەیارە 21 بە 665 هەزار دینارە.

- یەک مسقاڵ زێڕی عەیارە 18 بە 570 دینارە.

- یەک ئۆنسە زێڕ بە سێ هەزار و 375 دۆلارە.