ترەمپ: ئامانجی سەرەکیم لە کۆبوونەوەم لەگەڵ پووتین ڕاگەیاندنی ئاگربەستە

ئاڤا نیوز

هەریەکە لە ڤلادیمێر پووتین، سەرۆکی ڕووسیا و دۆناڵد ترەمپ، سەرۆکی ئەمریکا گەیشتنە ویلایەتی ئالاسکا بۆ کۆبوونەوەی لووتکەی نێوانیان، ترەمپ دەڵێت، دەمەوێت لەگەڵ پووتین ئاگربەست لە ئۆکراینا ڕابگەیەنم.

وێنە گەورەکە: دۆناڵد ترەمپ دەیەوێت کۆتایی بە شەڕی سێ ساڵەی نێوان ڕووسیا و ئۆکراینا بهێنێت، کە بووەتە هۆی گیانلەدەستدانی هەزاران سەرباز لە هەردوولا و ئاوارەبوونی هەزاران کەس.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، نازانم، هیچ شتێکی جێگیر نییە، من شتی دیاریکراوم دەوێت، من ئاگربەستم دەوێت.

زانیاریی زیاتر: ترەمپ زیاتر وتی، دەمەوێت ئاگربەستێکی خێرا ببینم، دڵخۆش نابم ئەگەر ئەمڕۆ نەگەینە ئەو ئەنجامە، ئەوروپا و سەرۆکی ئۆکراینا بەشێک دەبن لەم پڕۆسەیە.