بەرپرسی هەواڵگریی بەرگریی ئەمریکا لە پۆستەکەی دووردەخرێتەوە

ئاڤا نیوز

ڕۆژنامەیەکی ئەمریکی ئاشکرایکردووە، بەهۆی ئەوەی ڕاپۆرتی دەزگای هەواڵگریی وەزارەتی بەرگریی ئەمریکا لەگەڵ قسەکانی ترەمپ و وەزیری بەرگریی ئەمریکا یەکیان نەگرتووەتەوە، بەرپرسی ئەو دەزگایە لە پۆستەکەی دوورخراوەتەوە.

وێنە گەورەکە: بەهۆی بڵاوکردنەوەی ڕاپۆرتێک لەسەر هەڵسەنگاندنی توانای پێگە ئەتۆمییەکانی ئێران لە دوای هێرشەکانی ئەمریکا ئیدارەی ترەمپ چەندین بەرپرسی سەربازی لە پۆستەکانیان دوورخستووەتەوە.

زانیاریی بەدەستهاتوو: ڕۆژنامەی واشنتن پۆستی ئەمریکی بڵاویکردووەتەوە، دوو سەرچاوەی ئاگادار لە بابەتەکە پێیان ڕاگەیاندوون، پیت هێگسس، وەزیری بەرگری ئەمریکا جێفرەی کروس، بەرپرسی دەزگای هەواڵگریی بەرگریی بەهۆی ڕاپۆرتێکی دەزگاکەی سەبارەت بە هێرشی ئەمریکا بۆ سەر پێگە ئەتۆمییەکانی ئێران دوورخستەوە.

زانیاریی زیاتر: لە ڕاپۆرتی ئەو دەزگایەدا هاتووە، توانای ئەتۆمی ئێران لە چەند مانگێکدا دەگەڕێتەوە بۆ دۆخی پێشووی، ئەمەش بە تەواوەتی پێچەوانەی قسەکانی ترەمپ و وەزیری بەرگریی ئەمریکایە کە وتبوویان بە تەواوەتی توانای ئەتۆمی ئێران لەنێوبراوە.

لێدوانی فەرمی: وتەبێژی دەزگای هەواڵگریی بەرگریی ئەمریکا ڕایگەیاند، لەمەوبەدوا جێفرەی کروس وەک بەرپرسی دەزگاکە کارناکات و لە شوێنی ئەودا کریستین بۆرداین بە وەکالەت دەبێتە بەرپرسی دەزگاکە.