
وێنەی چەند چەكدارێكی جەیشولعەدل- گێتی
ئاڤا نیوز
شەوی چوار شەممە چەکدارەکانی "جەیشولعەدل" لە دوو هێرشی جیاوازدا دامەزراوە ئەمنییەکانیان لە باشووری ڕۆژهەڵاتی ئێران کردە ئامانج، 11 کارمەندی ئەمنی ئێرانیان کوشت و 10 کەسی دیکەشیان بریندار کرد.
وێنە گەورەکە: بە گوێرەی هەواڵی میدیا فەرمییەکانی ئێران لە دوو هێرشی چەکدارانی گرووپی " جەیش ئەلعەدل " لە شەوی چوارشەممەدا بارەگاکانی سوپای پاسدارانی ئێرانیان لە ڕاسک و چابەهار لە ناوچەکانی سیستان و بەلووچستان کردە ئامانج. لانیکەم 15 چەکدار لە ڕووبەڕووبوونەوەی هێزە ئەمنییەکان کوژراون.
ئەوەی پێویستە بیزانیت: " جەیشولعەدل"گرووپێکی چەکدارییە لە باشووری ڕۆژهەڵاتی ئێران و لە پارێزگای بەلوچستانی ڕۆژئاوای پاکستان چالاکە.
" جەیشولعەدل " کێیە؟
گرووپێکی چەکداری بەلووچەکانی دژ بە حکومەتی ئێرانە، وەک خۆیان دەڵێن " لە ئێران خەبات بۆ مافە نەتەوەیی بەلووچەکان دەکەین" لەکاتێکدا حکومەتی ئێران و حکومەتەکانی ڕۆژئاوا بە ئەمریکاشەوە دەیخەنە لیستی ڕێکخراوە تیرۆریستییەکانەوە.
ساڵی چەند دامەزراوە؟
ئەو گرووپە لە ساڵی 2012 سەریهەڵدا و بە شێوەیەکی سەرەکی لە ئەندامانی گرووپی چەکداری جوندوڵڵا پێکدێت، کە دوای ئەوەی ئێران زۆربەی ئەندامەکانی دەستگیرکرد، لاواز بوو.
ئامانجی چییە؟
"جەیشولعەدل" لە دژی ئێران کاردەکات و خۆی بە داکۆکیکار لە مافی سوننە لە ئێران" دادەنێت، هەوڵدەدات سەربەخۆیی پارێزگای سیستان لە ڕۆژهەڵاتی ئێران و ناوچەی بەلووچستان لە باشووری ڕۆژئاوای پاکستان بەدەست بهێنێت. ئەمەش ئامانجێکی هاوبەش بۆ هەردوو حکومەت درووست دەکات.
دوو دەیەیە پێکدادانی خوێناوی هەیە
ژمارەی بەلووچەکان لە ئێران نزیکەی چوار بۆ پێنج ملیۆن کەسە، زۆرینەیان لە پارێزگای سیستان و بەلووچستان کە دەکەوێتە ڕۆژهەڵات و باشووری ڕۆژهەڵاتی ئێران نیشتەجێن، ماوەی زیاتر لە دوو دەیە دەبێت پێکدادانی خوێناوی لە نێوان چەکدارانی بەلووچ و هێزە سەربازییەکانی ئێران بەردەوامە.
هۆکارەکانی بوونی"جەیشولعەدل" لە بەلووچستان
ئەندامانی ئەم گرووپە سەر بە مەزهەبی نەتەوەیی بەلووچن و لە هەردوو دیوی سنوورەکە دەژین.
پاکستان پێداگری لەسەر ئەوە دەکات کە ئەو گرووپە هیچ ئامادەیییەکی ڕێکخراویان لە پارێزگاکە و هیچ شوێنێکی دیکەدا نییە، بەڵام دان بەوەدا دەنێت کە ڕەنگە هەندێک چەکدار لە ناوچە دوورەدەستەکانی بەلوچستان خۆیان حەشاردابێت، کە لە ڕووی ڕووبەرەوە گەورەترین پارێزگای وڵاتەکەیە.
بۆچی " جەیشولعەدل " سەرچاوەی گرژی نێوان ئێران و پاکستانە؟
ئێران و پاکستانی خاوەن چەکی ئەتۆمین، هەردوولاش لە مێژە گومانیان هەیە لە هێرشە چەکدارییەکان.
هێرشەکان بۆ سەر هێزە ئەمنییەکانی ئێران و پاکستان لەم ساڵانەی دواییدا زیادی کردووە و هەر لایەنێک ئەوەی دیکەیان بە تاوانبار دەزانن کە چاوپۆشی لە مانەوەی ئەو چەکدارانە لە سنووەرەکانیان دەکەن.
لە ئێرانەوە هێرش دەکەنە سەر پاکستان
پاکستان دەڵێت: بەڵگەی هەیە کە جوداخوازانی بەلووچ لە ئێران دەمێننەوە، بەڵگەکان دەریدەخەن هەر لەوێوە هێرش بۆ سەر هێزەکانی پاکستان دەکەن.
زیاتر لەسەر ئەم بابەتانە بکۆڵەرەوە
دوایین هەواڵەکان
- ڕاپۆرت
- 1 کاتژمێر لەمەوپێش
شەڕی سیخوڕی نێوان ئێران و ئیسرائیل
- ڕۆژهەڵاتی ناوەڕاست
- 1 کاتژمێر لەمەوپێش
هێرشی مووشەکی ئێران بۆ سەر ئیسرائیل دەستیپێکرد
- ڕۆژهەڵاتی ناوەڕاست
- 1 کاتژمێر لەمەوپێش
لە بەشێکی زۆری پارێزگاکانی ئێران ئینتەرنێت دەپچڕێت
- بزنس
- 1 کاتژمێر لەمەوپێش
وەزارەتی دارایی داهاتی مانگی پێنج ڕەوانەی بەغدا دەکات
هەڵبژاردەکان بۆ تۆ
ئێران بۆ یەکەمجار مووشەکێکی نوێ و نهێنیی دژی ئیسرائیل بەکاردەهێنێت
9 کاتژمێر لەمەوپێش
مۆدێلی بەیرووت؛ ستراتیژییەتێکی نوێی سەربازیی ئیسرائیل بەرامبەر ئێران
17 حوزەیران
فۆردۆ؛ ئەو شوێنەی ئێران مووشەکی ئیسرائیل ناتوانێت زیانی پێبگەیێنێت
16 حوزەیران
نەتانیاهۆ ئاشکرای دەکات: مووشەکی ئێران بەر ژووری نووستنەکەم کەوتووە
16 حوزەیران
سەعات حەوت زیاتر لە یەک ملیۆن بینەر
16 حوزەیران
- ڕاپۆرت
- 1 کاتژمێر لەمەوپێش
شەڕی سیخوڕی نێوان ئێران و ئیسرائیل