مەندەلاوی بۆ لیژنەی دارایی: بە زوویی پێداچوونەوە بە خشتەکانی بودجە بکەن

ئاڤا نیوز  

جێگری یەکەمی سەرۆکی پەرلەمان، لیژنەی دارایی ڕادەسپێرێت بۆ ئەوەی بە زووترین کات پێداچوونەوەی کۆتایی بە سەرجەم بەندەکانی خشتەکانی بودجەی گشتی ساڵی 2024 بکەن بۆ ئەوەی ڕۆژی دووشەممە پەسەند بکرێت.

وێنە گەورەکە: پەپێی کارنامەی دانیشتنی ڕۆژی دووشەممە 3-6-2024ی پەرلەمانی عێراق، دەنگدان لەسەر خشتەكانی بودجەی گشتی ساڵی 2024 دەکرێت.

ڕاگەیێنراوی فەرمی: موحسین مەندەلاوی، سەرۆکی پەرلەمانی عێراق بە وەکالەت ڕایگەیاند: "پێویستە لە دانیشتنی داهاتوودا دەنگدان لەسەر ئەم خشتانە تەواو بکرێت، بە تایبەت کە کاریگەرییەکی زۆریان لەسەر پێداویستییەکانی هاووڵاتی هەیە". 

زانیاریی زیاتر: مەندەلاوی داوای لە لیژنەی دارایی کردووە "پێداچوونەوەی کۆتایی و ورد بۆ سەرجەم خشتەکان و داهات و خەرجیی و تەرخانکراوەکان بکات، ڕێژەی کورتهێنان و ڕێگاکانی کەمکردنەوەیان دیاری بکات و ڕاپۆرتێکی گشتگیر ئامادە بکات و پێشکەشی ئەنجومەنی نوێنەران بکرێت بۆ دەنگدان لەسەری بە هەموو ئەو تێبینیانەی کە لەگەڵ بودجەی ساڵی 2023دا هەبوون".