100 وڵات و ڕێکخراوی نێودەوڵەتی بەردی بناغەی پڕۆسەی ئاشتی دادەنێن

ئاڤا نیوز

لە سویسرا کۆنفرانسێکی نێودەوڵەتی بۆ گفتوگۆکردن لەبارەی دانانی یەکەم بەردی بناغەی پڕۆسەی ئاشتی بۆ شەڕی ئۆکراینا و ڕووسیا  دەستپێدەکات.

بۆچی گرنگە: ئامانجی کۆکردنەوەی پشتیوانی نێودەوڵەتییە بۆ ئۆکراینا، لەوانەش لە وڵاتانی دۆستی ڕووسیا.

وێنە گەورەکە: کۆنگرەکە ئەمڕۆ و سبەی بەردەوام دەبێت، سەرۆکوەزیران و نوێنەرانی 100 وڵات و ڕێکخراوی نێودەوڵەتی لە ئاستی باڵا بەشداری تێدا دەکەن.

بابەتی ستراتیژی: چەند بابەتێک تاوتوێ دەکرێن، لەوانە هەناردەکردنی دانەوێڵە لە ئۆکراینا، سەلامەتی وێستگەی ئەتۆمی زاپۆریژیا کە لەلایەن ڕووسیا داگیرکراوە، هەروەها بابەتی مرۆیی لەوانەش ئاڵوگۆڕی زیندانییەکان.

باکگراوند: تاوەکو ئێستا ڕووسیا نزیکەی یەک لەسەر پێنجی خاکی ئۆکرانیای داگیرکردووە، لەنێویاندا نیمچەدورگەی کریما کە ساڵی 2014 دەستی بەسەردا گرت.