بەهۆی چەند هێرشێکەوە هێڵی شەمەندەفەری فەرەنسا لە کار دەکەوێت

ئاڤا نیوز

 

تۆڕی شەمەندەفەری زۆر خێرای فەڕەنسا ڕایگەیاند، چەند هێرشێکیان کراوەتە سەر و بەمەش گەشتی زیاتر لە 800 هەزار کەس کەتووەتە ژێر کاریگەریی ئەم هێرشەکەوە.

 

ڕاگەیێنراوی فەرمی: کۆمپانیای جێبەجێکاری شەمەندەفەری نیشتیمانی SNCF ڕایگەیاند "ئاگر تێبەردان"، "کردەی تێکدەرانە" و "هێرشی زۆر گەورە" کراوەتە سەر سیستەمەکەیان و کاریگەریی لەسەر تۆڕەکانی گواستنەوە داناوە. زۆر لە گەشتەکان هەڵوەشاونەتەوە. چاوەڕێ دەکرێت دۆخەکە بە درێژایی ڕۆژانی کۆتایی هەفتە درێژە بکێشێت. 

 

زانیاریی زیاتر: هێرشەکە هێڵەکانی ئەتلەنتیک، باکوور و ڕۆژهەڵات کردوونەتە ئامانج. بەم هۆیەوە گەشتی زیاتر لە 800 هەزار کەس کەتووەتە ژێر کاریگەریی ئەم هێرشە.

 

ئەوەی پێویستە بیزانیت: ئەم هێرشە لە کاتێکدایە کە ئەمڕۆ ئۆڵمپیادی پاریس دەستپێدەکات.