کۆریای باکوور گەشەی ئابووری تۆمار دەکات

ئاڤا نیوز

 

کۆریای باکوور بۆ یەکەمجار دوای سێ ساڵ لە ساڵی 2023 گەشەی ئابووری تۆمار کردووە.

 

چیرۆکە سەرەکییەکە: بە گوێرەی داتاکانی بانکی ناوەندیی کۆریای باشوور، کۆریای باکوور گەشەی ئابووری لە 2023 تۆمارکردووە، هۆکارەکەشی بۆ گەشەی بازرگانی نێوان پیۆنگیانگ و پەکین دەگەڕێتەوە. بە تایبەت لە دوای پەتای کۆرۆنا بەربەستە سنوورییەکانی نێوانیان کەمکرایەوە.

 

ژمارەکان وادەڵێن: داتاکانی کۆریای باکوور بەڕووی جیهانی دەرەوەدا داخراوە، بەڵام بانکی ناوەندیی کۆریای باشوور پێشبینی دەکات، کۆی بەرهەمی ناوخۆی کۆریای باکوور لە ساڵی 2023 بەڕێژەی 3.1% گەشەی کردووە، ئەوەش بەرزترین ڕێژەی گەشەی لە دوای ساڵی 2016ـەوە. 

 

هۆکارە زانراوەکان: سەرەڕای سزاکانی رۆژئاوا و داخرانی پیۆنگیانگ بەڕووی وڵاتاندا، بەڵام پەیوەندی ئەو وڵاتە لەگەڵ چین بەهێزە و 98.3%ـی کۆی بازرگانییەکانی لەگەڵ پەکین بووە. هەروەها مانگی رابردووش لەگەڵ مۆسکۆ رێککەوتن پەیوەندییە بازگرانی و ئابووری و وەبەرهێنانەکانیان فراوان بکەن.