عێراق پێویستی بە 60 کەشتی نەوتهەڵگر هەیە

ئاڤا نیوز

 

بەڕێوەبەری کۆمپانیای گواستنەوەی نەوتی عێراق ڕایدەگەیێنێت، پێویستیان بە 60 کەشتی نەوتهەڵگر هەیە،  نرخی هەر نەوتهەڵگرێکیش نزیکەی 150 ملیۆن دۆلارە.

 

وێنە گەورەکە: بەڕێوەبەری کۆمپانیای گواستنەوەی نەوتی عێراق لە میانی کۆبوونەوەی لەگەڵ لیژنەی نەوت و گازی پەرلەمانی عێراق داوای هاوکاری کرد و گوتی، گەورەترین کێشەیان نەبوونی کەشتی نەوتهەڵگری پێویستە، بۆیە داواکارن پارەی پێویستیان بۆ کڕینی ئەو کەشتیانە بۆ تەرخانبکرێت.

 

هۆکارە زانراوەکان: عێراق دووەم گەورەترین وڵاتی هەناردەکاری نەوتە لە رێکخراوی ئۆپێک، لەئێستادا خاوەنی تەنیا شەش کەشتی نەوتهەڵگرە، لەکاتێکدا پێویستی بە 60 دانە هەیە، ئەوەش بووەتە هۆی دروستکردنی ئاستەنگ بۆ هەناردەکردنی نەوتەکەی.