بەهۆی هێرشی ئۆکراینا باری نائاسایی لە ناوچەیەکی ڕووسیا ڕاگەیێنرا

ئاڤا نیوز

پارێزگاری ناوچەی سنووری بەلگۆردی ڕووسیا باری  نائاسایی ڕاگەیاند، ئەمەش دوای بەرەوپێشچوونەکانی ئۆكراینا و مەترسیی فراوانبوونی بۆردوومانەکان.

وێنە گەورەکە: ئۆکراینا لەداوی بەدەستهێنانی فڕۆکەی ئێف-16ی جەنگی ئەمریکی، هەشت ڕۆژە ئاراستەی شەڕەکەی گۆڕیوە و هێرشی پێچەوانەی بۆ  سەر  ڕووسیا دەستپێکردووە، تائێستا هەزار کیلۆمەتری چوارگۆشەی بەقووڵایی زیاتر لە 42 کیلۆمەتر داگیرکردووە.

 

لێدوانی فەرمی: ڤیاچێسلاڤ گلادکۆڤ، پارێزگاری ناوچەی بەلگۆردی دەڵێت: "دۆخی ناوچەکە بەهۆی ئەو بۆردومانانەی لەلایەن هێزە چەکدارەکانی ئۆکرانیا کراون، تاڕادەیەک سەخت و ئاڵۆز بووە. پێویستە پاڵپشتی سەربازی و فریاگوزاری تەندروستی بگاتە ناوچەکە و باری لەناکاو  لە تەواوی ناوچەکە ڕابگەیێنرێت".