لە لەندەن ئاگر لە یەكێك لە كۆنترین كۆشكەكانی ئیلیزابێس كەوتەوە

ئاڤا نیوز
 
ئاگر لە كۆشكێكی شاژن  ئیلیزابێس لە ناوەڕاستی لەندەن كەوتووەتەوە و دوای چەند کاتژمێرێک هێشتا نەتوانراوە کۆنترۆڵ بکرێت.

 

چیرۆکی سەرەکی: ئەمڕۆ شەممە لە یەكێك لە كۆشكە گەورە هونەرییەكان كە كۆشكی شاژن ئەلیزابێسە، ئاگرێک كەوتەوە و بەهۆیەوە شەقامی سەرەكی شوێنەكە داخرا، چەندین تیمی بەرگریی شارستانی سەرقاڵی كۆنترۆڵكردنی ئاگرەكەن.

لێدوانی فەرمی: تیمی ئاگركوژێنەوەی لەندەن ڕایگەیاند:” تا ئێستا هۆكاری ئاگرەكە نازانن، 15 ئۆتۆمبێلی ئاگركوژێنەرەوە و 125 كارمەندیان سەرقاڵی كوژاندنەوەی ئاگرەكەن، هاوکات ئاگرەکە نەبووەتە هۆکای برینداربوون و گیانلەدەستدانی هیچ کەسێک". 

زانیاریی زیاتر: کۆشکی شاژن ئیلیزابێس  دەكەوێتە ناوەڕاستی شاری لەندەن و بە ماڵی سۆمەرسێت ناسراوە، یەكێك لە باڵەخانە كۆنەكانی شاژن بووە و لە ساڵی 1547 دروستكراوە،  وەك شوێنێكی مێژوویی سەیردەكرێت و ساڵانە هەزاران كەس سەردانی دەكەن.