باڵیۆزخانەی بەریتانیا لە عێراق: گوتەکانی باڵیۆزمان "بە هەڵە" وەرگیراون

ئاڤا نیوز  

دوای ناڕەزایەتییەکانی وەزارەتی دەرەوەی عێراق، باڵیۆزخانەی بەریتانیا بە ئاڤا نیوزی ڕاگەیاند، "بە هەڵە" لە قسەکانی باڵیۆز تێگەیشتوون.

وێنە گەورەکە: وەزارەتی دەرەوەی عێراق ڕۆژی 2024-08-18، ڕوت کۆڤەردەیل، بەرپرسی کاروباری باڵیۆزخانەی بەریتانیای بانگهێشت کرد، بۆ دەربڕینی ناڕەزایی بەرامبەر بە لێدوانەکانی ئەم دواییەی باڵیۆزی بەریتانیا لە عێراق.

زانیاریی زیاتر: ناڕەزایەتییەکە لە وەڵامی لێدوانەکانی باڵیۆز ستیڤن هیچن بڵاوکرایەوە، وەزارەتەکە دەڵێت: "دیمەنی ئەمنیی و سیاسی عێراقی بە ڕوانگەیەکی نەرێنی نیشانداوە"، ئەمە بە پێشێلکردنی کاروباری ناوخۆی عێراق و پێشێلکردنی پڕۆتۆکۆڵی دیبلۆماسی دەزانێت. 

ڕاگەیێنراوی فەرمی: باڵیۆزخانەی بەریتانیا لە بەغدا ئەمڕۆ دووشەممە  ,2024-08-19بە ئاڤا نیوزی ڕاگەیاند: پەیوەندی بەریتانیا لەگەڵ عێراق پەیوەندییەکی قووڵ و درێژخایەنە و ئاماژەی بەوەشکردووە “بەداخەوە هەندێک لایەن لە سەرنجەکانی باڵیۆزەکەمان بە هەڵە تێگەیشتوون”. 

ئەوەی پێویستە بیزانیت: هاوپەیمانی دەوڵەتی یاسا کە یەکێکە لە بەشە سەرەکییەکانی پێکهاتەی کابینەی ئێستای حکومەتی عێراق بە سەرۆکایەتیی سوودانی، ناڕەزایی خۆیان لە لێدوانەکانی باڵیۆز دەربڕی.