کۆمپانیایەکی ژاپۆنی کۆن و نوێ تێکەڵ دەکات

ئاڤا نیوز 

کۆمپانیای فوجی فیلم بەبۆنەی یادی 90 ساڵەی دامەزراندنییەوە، کامێرای وێنەی خێرای خستە بازاڕەوە.

چیرۆکی سەرەکی: کۆمپانیایی  Fujifilmــــــــی ژاپۆنی کامێرایەکی وێنەی خێرای بەناوی Instax Mini Evo خستە بازاڕەوە، کە شێوەکەی تاڕدەیەک کلاسیکە و لۆگۆی فوجی فیلمی ساڵی 1934ـــــــی لەسەرە، کامێراکە جگە لە تایمەرێکی خۆکار بەرنامەیەکیش بۆ مۆبایلە زیرەکەکان لەخۆدەگرێت، کە ڕێگە بە کۆنترۆڵکردنی کامێراکە و چاپکردنی وێنەکان دەدات.

ئەوەی پێویستە بیزانیت: لەڕووی تەکنیکییەوە هاوشێوەی کامێرای ئاساییـە، کە لە بنەڕەتدا کامێرای دیجیتاڵییە و سێنسەری CMOS ی 5 مێگاپێکسڵی فۆرماتی 1/5 ئینجی هەیە.

زانیاریی زیاتر: دوورە تیشکۆی هاوێنەکەی 28ملم و پرێنتەری وێنەی خێرا لە ناوەوەیدا ڕێگە دەدات وێنەکان دەستبەجێ لەسەر فیلمەکان چاپ بکرێن، پاتریی کامێراکە توانای چاپکردنی نزیکەی 100 وێنەی هەیە و لەڕێگەی دەرچەی USB-C بارگاوی دەکرێتەوە.