ونبوونی مقەستێک لە ژاپۆن فڕۆکەخانەیەک دادەخات

ئاڤا نیوز 

هاتووچۆ لە یەکێک لە قەرەباڵغترین فڕۆکەخانەکانی ژاپۆن بە ناوی نیو چیتۆس ڕاگیرا، بەهۆی ئەوەی مقەستێک ون بوو.

چیرۆکی سەرەکی: لە فڕۆکەخانەی نیو چیتۆس لە ژاپۆن دوای ئەوەی مقەستێک ون بووە، پاسەوانانی نێو فڕۆکەخانەکە بۆ ماوەی کاتژمێرێک بە دوای ئەو مقەستەدا گەڕان.

ئەوەی پێویستە بیزانیت: بەهۆی ونبوونی ئەو مقەستەوە 36 گەشت هەڵوەشایەوە و فڕۆکەخانەکە داخرا، لە کۆتاییدا شوێنی مقەستەکە دۆزرایەوە و گەشتەکان دەستیانپێێکردەوە.

ڕاگەیێنراوی فەرمی: فڕۆکەخانەی نیو چیتۆس ڕایگەیاند: ئاگادارین ڕووداوەکە بەهۆی نەبوونی سیستەمی بەکارهێنان و هەڵگرتن و بەڕێوەبردنی دروست لەلایەن بەکارهێنەرانی فرۆشگاکانەوە ڕوویداوە.

زانیاریی زیاتر: بەدواداچوون بۆ ئەم ڕووداوە دەکەین و هۆکارەکەی دیاری دەکەین و ڕێگری دەکەین لە دووبارەبوونەوەی.

هۆكارە زانراوەكان: بەرپرسانی فڕۆکەخانەکە لەوە ترساون، تیرۆریستێک ئەو مقەستەی بردبێت،  ویستبێتی وەک چەکێک لە نێو فڕۆکەیەکدا بەکاری بهێنێت.