گەڕانەوەی جەواد زەریف گورزێکە بۆ نەریتخوازەکانی ئێران

ئاڤا نیوز

 

محەممەد جەواد زەریف، دوای ئەوەی سەرەتای ئەم مانگە دەستلەکارکێشانەوەی خۆی لە پۆستی جێگری سەرۆککۆمار پێشکەش کرد بیروڕای خۆی دەگۆڕێت و جارێکی دیکە دەگەڕێتەوە سەر ئەرکەکەی. 

 

وێنە گەورەکە: محەممەد جەواد زەریف، بە جێگری کاروباری چاکسازی سەرۆککۆماری ئێران دەستنیشانکرابوو، دوای دوو هەفتە لە دەستبەکاربوونی دەستلەکارکێشانەوەی خۆی پێشکەش کرد و نائومێدی خۆی بەرامبەر پێکهێنانی حکومەت دەربڕی لە دانانی ژمارەیەک وەزیر، بەڵام ئێستا بڕیاری داوە بگەڕێتەوە سەر ئەرکەکەی. 

 

ڕاگەیێنراوی فەرمی: زەریف لە ئێکس نووسیویەتی: دوای ئەو بەدواداچوون و ڕاوێژکاریانەی کە لەلایەن سەرۆککۆمار و فەرمانە نووسراوەکەیەوە کراون، بەردەوام دەبم لە جێبەجێکردنی ئەرکەکانم وەک جێگری سەرۆک بۆ کاروباری چاکسازی.

 

ئەوەی لە بارەیەوە دەگوترێت: گەڕانەوەی زەریف بە گورزێک لە دژی نەریتخوازەکان ناودەبرێت، پزیشکیان بۆ ئەمە ڕەخنەی لێگیرا.

 

ئەوەی پێویستە بیزانیت: زەریف لە گۆڕەپانی نێودەوڵەتیدا ناسراوە، ئەمەش بەهۆی ئەو ڕۆڵە دیارەی کە لە دانوستانەکاندا بینی کە بووە هۆی ئەنجامدانی ڕێککەوتنی بەرنامە ئەتۆمییەکەی ئێران لە ساڵی 2015ـدا.