وەزارەتی بەرگریی تورکیا کوژرانی 19 گەریلای پەکەکەی ڕاگەیاند

ئاڤا نیوز 

 

لە ئۆپەراسیۆنی ڕۆژانی حەوت، هەشت و نۆی ئەیلوول کە لە ڕێگەی فڕۆکەی جەنگییەوە بنکە و حەشارگەکانی پەکەکە لە ناوچەکانی خواکورک، گارە، قەندیل لە سنووری نێوان هەرێمی کورستان بۆردومان کراون و 19 گەریلا کوژراون، لە بەرامبەردا هەپەگە دەڵێت، سەربازێکی تورکیان کوشتووە و درۆنێکی تورکیایان خستووەتە خوارەوە.

 

ڕاگەیێنراوی فەرمی: بەپێی ڕاگەیێنراوێکی وەزارەتی بەرگریی تورکیا، لە ماوەی سێ ڕۆژی هێرشی فڕۆکە جەنگییەکانی تورکیا بۆ سەر بنکە و حەشارگەکانی پەکەکە، 19 گەریلا کوژراون.

 

زانیاریی زیاتر: لە خواکورک 6 گەریلا، لە گارە 10 گەریلا، لە قەندیل 3 گەریلا کوژراون.

 

بۆچوونی لایەنی بەرامبەر: میدیای سەر بە هەپەگە ڕایگەیاندووە، لە چالاکییەکانی چەند ڕۆژی ڕابردوودا سەربازێکی تورکیان کوشتووە و درۆنێکی تورکیایان خستووەتە خوارەوە.