هاوپەیمانیی نێودەوڵەتی لە عێراق دەکشێتەوە و ئەمریكییەكان دەمێننەوە

ئاڤا نیوز

 

واشنتن و بەغدا کاتی كۆتاییهاتنی ئەركی هاوپەیمانیی نێودەوڵەتییان بۆ ڕووبەڕووبونەوەی داعش ڕاگەیاند، بەرپرسێكی حكومەتی عێراقش ئاشكرای دەكات، ئەركی هاوپەیمانان لە سووریا بەردەوام دەبێت.

 

لێدوانی فەرمی: حوسێن عەللاوی، ڕاوێژكاری سەرۆكوەزیرانی عێراق ڕایگەیاند: ساڵی 2026 دوایین ساڵی كاری هاوپەیمانیی نێودەوڵەتی دەبێت لە عێراق، بەڵام ئەركەكەیان لە سووریا بەردەوام دەبێت، بەو جۆرەی لیژنە هاوبەشەكە دیاریكردووە.

 

لەلایەکی دیکەوە: عێراق و ئەمریکا لە بەیاننامەیەكی هاوبەشدا ڕایانگەیاند: ئەركی هاوپەیمانیی نێودەوڵەتی لە مانگی نۆی 2025 كۆتایی دێت و دەچنە قۆناغی هاوبەشیی ئەمنی، ئەمریكا پێیوایە ئەو هەنگاوە كشانەوە نییە.

 

ڕێککەوتنەکە بەمشێوەیە: بەگوێرەی ڕێككەوتنەكە سەدان سەرباز لە مانگی ئەیلوولی ساڵی داهاتوو دەكشێنەوە، لەگەڵ ڕۆیشتنی ئەوانی دیکە لە كۆتایی ساڵی 2026، چاوەڕوانیش دەكرێت سەربازانی ئەمریكا لە هەولێر بمێننەوە.