دژەتیرۆر لەبارەی کارگەی تلیاکی دەربەندیخان زانیاری نوێ ئاشکرا دەکات

ئاڤا نیوز

 

کارگەیەکی دروستکردنی ماددەی هۆشبەر لە سنووری سلێمانی دەستی بەسەرداگیرا.

 

ڕاگەیێنراوی فەرمی: دژە تیرۆری کوردستان ڕایگەیاند: لە ماوەی ڕابردوودا و لەسەر بنەمای زانیاری پێشوەختە، کارگەیەکی بەرهەمهێنانی ماددەی هۆشبەر لە گوندی ئاوباری ناحیەی مەیدان نزیک قەزای دەربەندیخان لەلایەن دامەزراوەکانی حکومەتی فیدراڵییەوە دەستی بەسەردا گیرا، جگە لە ئامێر و دەزگاکانی کارگەکە، نزیکەی دوو تۆن لە ماددەی هۆشبەر لە جۆری حەبی کەپتاگۆنیش دەستیبەسەردا گیراوە. 

 

زانیاریی زیاتر: ئەم کارگەیە بە ئاگاداریی و لەژێر سەرپەرشتی سەرانی نوێی یەکێتیدا دامەزراوە و هەموو هەوڵێکیان لەگەڵ حکومەتی فیدڕاڵیداوە تاوەکو چاوپۆشی لەو بابەتە بکرێت، یاخود بابەتەکە لە میدیا و ڕاگەیاندنەکان بەشاردرێتەوە و بە قەبارەی گەورە باسی لێوە نەکرێت.