دادگای فیدڕاڵی سکاڵایەک لەبارەی دابینکردنی نەوتی سپی بۆ هەرێمی کوردستان تاوتوێ دەکات

ئاڤا نیوز

 

چوارشەممەی داهاتوو دادگای فیدراڵی سکاڵایەک لەبارەی دابینکردنی نەوتی سپی بۆ هەرێمی کوردستان تاوتوێ دەکات، لە سکاڵاکەدا داواکراوە حکومەتی فیدراڵ پابەند بکرێت بەوەی بە هەمان نرخ و بڕی ساڵانە، نەوتی ماڵان بۆ هەرێمی کوردستانیش دابین بکات.

 

وێنە گەورەکە: ساڵی ڕابردوو حکومەتی عێراق نرخی هەر لیترێک نەوتی سپی بە 500 دینار بۆ هاووڵاتیانی هەرێمی کوردستان ڕەوانە دەکرد، لەکاتێکدا بۆ پارێزگاکانی دیکەی عێراق نرخی هەر لیترێک نەوتی سپی بە 150 دینار دابین دەکرد.

 

ڕاگەیێنراوی فەرمی: بەگوێرەی خشتەی کۆبوونەوەکانی دادگای فیدراڵی، ڕۆژی چوارشەممە 23ی تشرینی یەکەمی 2024، دادگاکە سکاڵایەک تاوتوێ دەکات کە 102 هاووڵاتی هەرێمی کوردستان واژۆیان لەسەر کردووە و تیایدا داوا دەکەن بڕیارەکەی وەزارەتی نەوت و حکومەتی عێراق بەدروست لەقەڵەم بدرێت.

 

سکاڵاکارەکان داواش دەکەن حکومەتی عێراق پابەند بکرێت بەوەی هەمان نرخ و ڕێژەی نەوت کە ساڵانە بە هاووڵاتیانی پارێزگاکانی دیکەی عێراقی دەدات، بۆ هاووڵاتیانی هەرێمی کوردستانیش هەمان ڕێنمایی جێبەجێ بکات.