هۆکاری بەرزبوونەوەی نرخی زێڕ ئاشکرا دەکرێت

ئاڤا نیوز

 

ئەندامێکی سەندیکای زێڕنگەرانی هەولێر دەڵێت، بەهۆی کۆبوونەوەی بەشێك لە سەرکردەی وڵاتانی جیهان لە چین، تەنیا لە سێ ڕۆژدا هەر ئۆنسەیەک زێڕ نرخەكەی 100 دۆلار بەرز بووەتەوە.

لێدوانی فەرمی: سەفین وەرتی، ئەندامی سەندیکای زەڕەنگەرانی هەولێر بە ئاڤا میدیای ڕاگەیاند: لە 31ی ئاب تاوەکوو 3ی ئەیلوول هەر ئۆنسەیەک زێڕ 100 دۆلار و هەر مسقاڵێک زێڕیش 30 هەزار دینار نرخیان بەرز بووەوە.

 

هۆکارە زانراوەکان: سەفین وەرتی گوتیشی، هۆکاری بەرزبوونەوەی نرخی زێڕ لە ڕۆژانی ڕابردوودا، پەیوەندی بە کۆبوونەوەی بەشێک لە سەرکردەکانی وڵاتانی جیهان و نمایشی سەربازیی چین هەبوو، بەڵام ئەمڕۆ پێنجشەممە نرخی ئۆنسەیەک زێڕ 20 دۆلار دابەزیووە، هۆکاری ئەمەش جارێ دیار نییە.

 

زانیاریی زیاتر: نرخی زێڕ لە بازاڕەکانی هەرێمی کوردستان کە لەسەر نرخی دۆلار بە 142 هەزار و 800 دینار دانراوە، بەم جۆرەیە.

-مسقاڵێک زێڕ عەیار 22 بە 742 دینارە.

-مسقاڵێک زێڕ عەیار 21 بە 708 دینارە. 

-مسقاڵێک زێڕعەیار 18 بە 606 دینارە.

 

ئەوەی پێویستە بیزانیت: ئێستا نرخی یەک ئۆنسە زێڕ لە بازاڕەکاندا بە 3 هەزار و 536 دۆلار مامەڵەی پێوە دەکرێت.